Marsela Gjoni Dhuli: Dashuria ime
Të kërkova kudo me sy e mendje
Në lartësi të kodrave dhe maleve hijerëndë
Në klorofilin e gjetheve të pemëve
Ku ty,të përkëdhelnin,anë e kënd
Të kërkova në shkëlqimin e hënës pa re
Që drit më bën të mos rrëzohem
Të kërkova në miljarda yje dhe universe
Që rruga drejt teje të më ndriçohet
Të kërkova nën rrezen e diellit të artë
Në afshet e shpirtit,me një fije shpresë
Duke larguar çdo natë të errët,të ftohtë
Pa ty jeta është e akullt , therëse si presë
Nuk do lodhem të kërkoj në asnjë rast
As në qiell,as në tokë,as në det
Sepse Ti jeton me mua në çdo çast
Në zemrën time,Ti,je diell i vërtet.
Dhe sado të largohesh dhe fluturosh
Largë në hapsirat paanë të horizonteve
Mbi lule gjethe e sythe të qëndrosh
Vjen në folekopshtin tënd të trendafilave
Këtu askush nuk ta zë vendin
Këtë skut’veç ty,askush nuk e di
Tek unë do gjesh freskinë në dit vere
Por edhe dashurinë në përjetësi
