Lajm i rremë
Astrit Lulushi
Realiteti nuk ekziston, gjithçka varet nga këndvështrimi dhe dora e gatshme gjithmonë për të ndëshkuar. Tirania fshihet, dhe njerëzit e mirë nuk e dëshirojnë largimin e saj sepse asnjë nuk ka arritur t'i mbrojë ose tu largojë frikën; një për të gjithë të gjithë për një, një prej tyre të gjithë prej tij, njeri i keq mund të bëhet kushdo sepse rastësisht ai është dikush. Sapo ti fusni para në duar, ai do të bëjë gjithçka që dëshironi, mund ta shndërroni në atë që iu nevojitet, krijoni vetë sëmundjen tuaj, shkoni pas saj, por nuk vraponi nëse mund të rrëzoheni.
Të jetosh ose të vdesësh nën akuza të gënjeshtra. Njerëzimi është ndeshur me lajm të rremë, që në fund është provuar i vërtetë, dhe me qeveri të riciklueshme që kompenson viktimat. Të thoje se plani nuk u realizua, se një sistem ka dështuar ose dyqanet ishin bosh, quhej jo e vërtetë dhe njerëzit dënoheshin, si dikur në Mesjetë kur Galileo persekutohej dhe Bruno digjej në turrën e druve për përhajen e lajmit “të rremë”.
