Kristo Çipa: Refleksion në kohë vjeshte.

Refleksion në kohë vjeshte.

PAQJA KURRË TË MOS NA NDAJË!

U ula të flas me dheun

I bëra zë amanetit

Emigrantit i thashë-Kthehu!

Mos u tund bosh!- i thashë djepit

Kohë e ligë dërgon sinjale

Bota në qafë të belasë

Lëvizin eshtrat në varre

Los legjenda e kalasë.

Kombi im në kollë kolltuku

I pjek gështenjat në diell

Lakmia kockën ja nduku

Besimet grinden për qiell.

Duku fe e shqiptarisë!

Jo në qiell por në tokë

Le të zgjohemi të gjithë

Për gjakun derdhur me okë!

Paqja të jetë lulja e gurit

Një veç një të jetë SHQIPËRIA!

Të mos qajë syri i flamurit

Se u mbytëm nga liria.

Besimi në punë të tija

Feja jonë është Shqiptaria!