Kasam ShAQIRVELA: LISAT PËRKUNDEN N’DJEPIN E KOHËS

NË SHENJË PËRKUJTIMI (81 vjet) PËR GJENOCIDIN E BËRË NGA SHTETI I GREQISË, MBI ÇAMËT DHE ÇAMËRINË

*

*

Nga sot do ju sjelli çdo ditë nga dy poezi për Çamërinë përzgjedhur nga disa libra të autorit Kasam Shaqirvela, për aq sa zgjat "JAVA ÇAME"

***

Ç A M Ë R I A

Gjithmonë të ndjekur

Ngahera të vrarë

Prej Andartësh

Dhe Fanariotësh

Të Idesë së Madhe

Që ngrihej lugat mbi dhe

Pllakosur kujë e gjëmë mbi ne

Në mëkate zhytur

Nga farë e jona,

Dhe laneti ngritur

Nga soji i huaj

Si Venizellos Zografos dhe Zervas

Për Megaloidenë

E “Vorio Epiri” -it

Që zemra u plas

Vërshuan në Çamëri

Llava ujqish t`uritur

E hiena turinj ngjyer

Me gjak Çami të Pafajshëm përlyer

Nga masakra e kryer

në fëmijë, gra e pleq

Situata makabre

Të shekullit të ri

Kryer nga grekë meleq?!

Aty në Çamëri.

Fshatrave si Filati,

Oh! Paramithi?

Çka pësove ti!

Nga masakra e t’zive

Asaj nate pa hënë

Nga turmat e megalive

Sa e sa trima çamë

Për lirinë tu vranë

Për vendin mëmë

Me gjak e lamë

Pa dallim feje Ortodoksë-grekë

Apo turq-myslimanë

Sepse ishin të një gjaku

E flitnin një gjuhë

Madje të lindur nga i njëjti At e Mëmë

Që kohët mi ndanë në:

Gjuhë, fe dhe tjera anë.

Po vallë shqiptari çu bë ?

A u shkri si bora ndër male

A u tret si kripa në det pa zë?!

Jo, jo?! -ai u nda në:

latinë, grekë dhe turq

Sipas feve që mori

Gjatë historisë, si dhe

Nga proceset e copëtimit,

E pastaj përvetësimit, të

Tokës së Nënë Shqiptarisë.

Çamëri ‘99

**

LISAT PËRKUNDEN N’DJEPIN E KOHËS

Lisat përkunden n’djepin e kohës!

Ashtu siç përshkunden mendimet e rënda

A thua Nënat Çame mbërthyer para drojës?

Zemrat u janë mbushur nga dhembja e kënga

Djepat i bartin të gjyshëruara gjyshet

Ninullat i këndojnë me lot lirie

Shpresa çanë malin atëherë kur grishet

Sonte n’Tetovë ka aromë Çamërie

Qershor 2005, Tetovë

© Kasam ShAQIRVELA