Nga Petrit Malushi
I riu President!
Prej majë mali në lagunë,
Në katund e në qytet
Doli lajmi : “Nisni punë,
Për të riun president !”
Në takime, konferenca,
Nëpër studio blu dhe gri
Propozime, preferenca,
Jetëshkrime, garanci…
“Më të mençur, të betuar
Nga Unë, tjetër mos kërkoni !
Nuk do gjeni më të zgjuar
Mos u lodhni, më besoni !
I florinjtë, karat njëzet,
I pavarur, pa parti,
Nuk përthyhem, jam i drejt !...
Për ju tretem si qiri !”
“Ai mundet…edhe s’mundet…”
Flitet për një mik, një shok
“Mielli do ndahet nga krundet
Në bisedën kokë më kokë!”
“Pa dhënë prova, sakrifica,
Pa shoshitur kënd më kënd,
Pa vënë vulë kryeshumica,
Askush s’ulet në atë vend !”
Unë,… Ti,… Ai,… Ajo…
Janë të thella këto punë !
Listat, lojë hiq dhe shto
Për të vënë ca në gjumë !
Dhe kërkimet s’kanë të ndalur !
Po pret kolltuku, lëkurë !
I riu president do shpallur
Qoftë grua, qoftë burrë !
Comments