HALIL RAMA: TAKIM IMPRESIONUES

     TAKIM IMPRESIONUES ME GJENERAL BRIGADE HAMDI DINE DODA

Nga: HALIL RAMA - Mjeshtër i Madh

Qe vërtetë takim impresionues dhe me këtë rast pata kënaqësinë t’i dhuroja shokut, mikut e bashkëfshatarit tim, dy librat e mi të fundit: “40 vepra letrare të 40 autorëve, në skaner” e “Dibra dhe dibranët në panteonin e vlerave”, ku në këtë të fundit është edhe profili i gjeneralbrigade Hamdi Dodës, i cili ka përfaqësuar denjësisht Shqipërinë në NATO dhe me kualifikimet në SHBA, Turqi e Austri, si dhe me eksperiencat e vyera e karrierën e shkëlqyer radhitet me ushtarakët më të zotë të Forcave tona të Armatosura

Mëngjesin e 21 gushtit 2025, pata kënaqësinë e veçantë të takoja dhe të bashkëbisedonim me gjeneralbrigade Hamdi Dine Doda, Komandant i Komandës Kibernetike dhe të Ndërlidhjes pranë Shtabit të Përgjithshëm të FA të RSH.

Për rreth një orë kujtuam me nostalgji vendlindjen tonë Muhurrin-perlë e natyrës dibrane dhe asaj shqiptare, bashkëbiseduam për historinë e saj, duke shprehur krenarinë për të si vendorigjina e Kastriotëve (Gardhi i Poshtëm, ose Muhurri i sotëm), sidhe për librat.

Po ashtu kujtuam shokët e fëmijërisë.

Qe vërtetë takim impresionues dhe me këtë rast pata kënaqësinë t’i dhuroja shokut, mikut e bashkëfshatarit tim, dy librat e mi të fundit: “40 vepra letrare të 40 autorëve, në skaner” e “Dibra dhe dibranët në panteonin e vlerave”, ku në këtë të fundit është edhe profili i gjeneralbrigade Hamdi Dodës, i cili ka përfaqësuar denjësisht Shqipërinë në NATO dhe me kualifikimet në SHBA, Turqi e Austri, si dhe me eksperiencat e vyera e karrierën e shkëlqyer radhitet me ushtarakët më të zotë të Forcave tona të Armatosura…

DEKRETIMI DHE EMËRIMI NË FUNKSIONIN E LARTË DREJTUES

Më 28.2.2025, Presidenti Begaj dekreton dhënien e gradës madhore “Gjeneral Brigade” për Kolonel Hamdi Dine Doda, me detyrë “Komandant i Agjencisë së Sistemeve të Ndërlidhjes dhe Informacionit” në Shtabin e Përgjithshëm të Forcave të Armatosura (Dekret nr. 87-Tiranë, më 28.2.2025)

Tre muaj pas marrjes së gradës madhore, për gjenaral Hamdi Dodën vjen dhe emërimi në drejtimin e një prej komandave më të rëndësishme të FA të RSH.

Kështu, në zbatim të Urdhrit nr. 60, datë 26.05.2025 të kryeministrit të Shqipërisë, Edi Rama, dhe me propozim të ministrit të Mbrojtjes, Pirro Vengu, gjeneral brigade Hamdi Doda është emëruar Komandant i Komandës Kibernetike dhe të Ndërlidhjes, pranë Shtabit të Përgjithshëm të Forcave të Armatosura.

Ky emërim vjen në një kohë kur siguria kibernetike përbën një prioritet strategjik për mbrojtjen e Shqipërisë, dhe përfaqëson një hap të rëndësishëm drejt forcimit të kapaciteteve moderne teknologjike në Forcat e Armatosura.

Sigurisht, ky është një vlerësim i merituar për zotin Doda, për kontributin e tij në Forcat e Armatosura, ku është dalluar për disiplinë, profesionalizëm dhe përkushtim. Është i pari ushtarak nga Muhurri, që ka përfaqësuar Shqipërinë dhe Forcat tona Ushtarake në NATO.Kjo është një arsye domethënëse që vetë Gjenerali të ndjehet krenar dhe i vlerësuar, ashtu si, me të drejtë, duhet të ndjehen krenar për të edhe familja e tij, fisi e farefisi, Muhurri, gjithë Dibra dhe Forcat e Armatosura.

KRENAR PËR ORIGJINËN NGA MUHURRI I DIBRËS

Gjeneral Brigade Hamdi Doda është i biri i Dine Dodës, një burrë i nderuar, me ndikim në komunitet dhe i vlerësuar publikisht në zonën e Muhurrit dhe më gjerë.Ai ka lindur më 5 maj 1970, në fshatin Vajmëdhej të Rrethit të Dibrës. Ka kryer shkollën fillore në fshatin e lindjes dhe atë 8 vjeçare (1980-1984) e të mesme të Përgjithshme në Shkollën “Nexhat Agolli” në Muhurr (1984-1988).

Nga viti 1988-1992, ka studiuar dhe është diplomuar në Akademinë Ushtarake të Forcave të Armatosura, në Specialitetin Ndërlidhje, në Tiranë. Me përfundimin e studimeve në 1992 u titullua oficer aktiv në FARSH. Karrierën ushtarake e filloi duke shërbyer në FA si Komandant toge, Kompanie, shef ndërlidhje batalioni, Regjimenti dhe Force, duke vijuar më tej me kryerjen e detyrave si Oficer Shtabi dhe Drejtor i Drejtorisë së Ndërlidhjes në Shtabin e Përgjithshëm të Forcave të Armatosura dhe komandant i Agjencisë së Sistemeve të Ndërlidhjes, detyrë të cilën e ushtron edhe sot.

NË PËRFAQËSINË USHTARAKE TË RSH NË NATO

Gjithashtu general brigade Hamdi Dodai ka shërbyer për 3 (tre) vjet në Përfaqësinë Ushtarake të Republikës së Shqipërise në NATO si Oficer Shtabi për Nderlidhjen dhe LE.

Gjeneralbrigade Doda, krahas studimeve dhe kualifikimeve brenda vendit ka kryer studime afatgjatë dhe afatshkurtër jashte vendit, ku mund të përmendim, kursin Bazë të Oficerit tëNderlidhjes në Ankara, Turqi, Kursin e Kapitenit të Karrierës dhe Kursin e Menaxhimit të Burimeve të Mbrojtjes në Shtetet e Bashkuara te Amerikes, si dhe Program Studimin për SigurinëKibernetike “George C Marshall” në Oberamergau Gjermani. Gjeneralbrigade Doda përfundoi Kursin e Komandës dhe Shtabit të Përgjithshëm pranë Akademisë së Mbrojtjes së FA, ku fitoi Gradën Shkencore “Master Shkencor në fushën e Sigurisë dhe Mbrojtjes”.Në vitin 2017, përfundoi Kursin e Lartë të Oficerit pranë Akademisë së Forcave të Armatosura, dhe në vitin 2023 përfundoi Kursin e Lartë të Sigurisë dhe Mbrojtjes, pranë Kolegjit të Mbrojtjes dhe Sigurisë. Në muajin Nëntor 2023 ka ndjekur Kursin “The Senior Leaders' Course” prane Kolegjit te Mbrojtjes te Vendeve Balltike, dhe në Prill të vitit 2024 ka ndjekur Programin e Lidershipit Strategjik “Strategic Leadership Programme” në Tirane. Ai zoteron Diplome Universitare, dega Inxhinieri Elektronike.

PJESËMARRJA NË KONFERENCA, SEMINARE E MISIONET PAQERUAJTËSE

Ai ka marrë pjesë dhe kontribuar, në konferenca, seminare, Ëorkshope dhe grupe pune, veçanërisht në fushën e Ndërlidhjes dhe Sigurisë Kibernetike, si breda dhe jashte vendit. Përgjatë karrierës 33-vjeçare në FARSH, për shërbimet e kryera, Gjeneralbrigade Doda është nderuar me një numër medaljesh karriere, shërbimesh të veçanta në MM dhe SHP. Gradat i ka fituar një e nga një, ashtu si e detyron rregullorja gradave në ushtri.

Gjeneral Hamdi Doda është krenar që ishte pjesë e misionit paqeruajtëse në Irak në vitin 2004, duke vijuar në vitin 2018 me misionin e NATO-s për Mbështetjen e Paqes në Kosovë KFOR.Forcat tona të Armatosura janë krenar se Gjeneral Doda i përfaqësoi ato dhe vendin tonë në selinë e NATO-s në Bruksel.

TAKIMI ME SEKRETARIN AMERIKAN TË MBROJTJES

Gjatë ushtrimit të detyrës së tij, ngjarje të rëndësishme në jetën e tij (viti2006), ështe takimi me Sekretarin Amerikan të Mbrojtjes ne Tirane. Ky ishte një takim i veçantë dhe i paharruar edhe për vajzën Lusjela “vetëm 6 vjeçe”, e cila përzgjidhet për t’i dhuruar tufë/buçetën me lule të freskëta Zotit Rumsfeld. Për këtë takim media e asaj kohe shkruan me germa të mëdha “Dibranja e vogël që thyen Protokollin”, i shtërngon dorën Sekretarit Amerikan të Mbrojtjes. Jemi impresionuar nga ecuria shumë domethënëse dhe e bukur e zotit Hamdi Doda, të cilën dëshirojmë ta ndajmë dhe me lexuesit tonë.

FAMILJA

Në shkollë u njoh dhe me Nadiren, një nxënëse e shkëlqyer, e cila, më pas shkoi në Universitet dhe sot është nëna e dy fëmijëve të tyre, Enriku dhe Lusjela. Enriku ka përfunduar studimet e larta, bahchelor për shkenca ekonomike “Economic Sciences” në “Universitetin Libre du Bruxelles” në Bruksel në gjuhën frënge, kurse vajza Lusjela, ka perfunduar studimet e larta në Universitetin “Epoka”, dega Informatikë Ekonomike “Business Informatics” në Tiranë, si dhe ka përfunduar me rezultate të larta studimet master ne fushën e sigurise kibernetike “Digital Forensic and Information Security” në Mbretërinë e Bashkuar pranë Universitetit “East London University”.

Gjeneral Hamdi Doda, sot kujton me respekt të veçantë mësuesit dhe pedagogët që nga klasa e parë, të cilët kontribuan në edukimin dhe fomimin e tij.