Hagë, 9 Nëntor 2020
Ky është në fakt momenti më i parëndësishëm i këtij gjyqi por nuk mund ta lija të kalonte në heshtje sepse gjithsesi meriton vëmendje.
Ka gati 13 vjet që Kosova ka flamurin dhe simbolet e veta kombtare (çuditërisht krejt ndryshe nga ato shqiptare) të imponuara nga Europa. Krejt pafajsisht ky zotëri jo shqiptar (avokati mbrojtës i Hashim Thaçit)flet për simbolet kombtare të Kosovës dhe nuk përmend ngjyrën blu dhe të verdhë që janë ngjyrat e flamurit zyrtar prej 13 vjetësh, por njeh si simbole të Kosovës shqiponjën e zezë dhe ngjyrat e kuqe. Kjo për mua flet shumë se ngjarja nuk ndodhi në një kafene të Tiranës apo Prishtinës po në gjykatën e Hagës nën sytë dhe veshët e gjithë Europës.
Keq më vjen për një gjë. Kam frikë se pas kësaj serbët dhe dashakeqës të tjerë nuk do i kushtojnë fare rëndësi argumentave në mbrojtje të Thaçit po do merren me ktë deklaratë të simboleve të Kosovës. Në Europë mund të ngresh çdo flamur, deri edhe tek LGBT nuk e kanë problem fare. Ama kur vjen puna te shqiponja dhe ngjyrat e kuqe, ofendohet Serbia, ofendohet Greqia etj etj dhe deklarata e avokatit nuk është çudi të jetë "provokacja" e rradhës.
