FJALA
- Feb 6, 2024
- 1 min read
Mihal Gjergji
FJALA
Ndodh shpesh që të grindem me fjalët
Se dritën dhe prushin e dua
Gjithmonë u kam sjellë melhemin për plagët
Ju hidhni shigjetat mbi mua
Poeti te vargu ka shpirtin e bardhe
Te shpirti bekimin hyjnor
Se fjala qibare hap brazda në ballë
E flokët t'i zbardh si dëborë
Së bashku s'qëndrojnë të urtë e të marrë
Të ulen në sofrën zengjine
Gomari ngarkohet dhe kali mban shalë
Fisniku ka sjellje qesqine
Tiranë, Shkurt 2016.
Comments