Festivali

Festivali

Nga Fatmir Terziu

Ndoshta midisjet e kohës i shqyen

ushkurret

që kanë lëshuar pantallonat

rrugë e pa rrugë.

Erërat

të fryra përjetësisht nga kacekët e tyre

me ngjethje fishkëllimash

u hedhin hi syve.

Nëpër zyra, seli, trotuare

shqyejnë portrete,

afishe,

derte

dhe po i moderojnë festivalet.

Mbi qiellgërryes

përmbi daça

duf i këngës i zënë nga mjegulla e një dimri rrënkues:

flet me veten: më mbyllni sytë ju paça!