Fatmir Terzu: Gëzuar ditëlindjen Viron Kona

Sot është ditëlindja e shkrimtarit shqiptar Viron Kona. Këto nuk janë fjalë të thjeshta për këtë datë, as thjesht vetëm për një urim. Këto janë fjalë që bazohen në fakte. Unë mbaj në duar romanin librat e tij dhe uroj që edhe ju ti mbani në duart tuaja. Për t'iu afruar pak të vërtetës. Në fakt, ditëlindja e shkrimtarit Viron Kona është gjithashtu ditëlindja e Ernesto Sabatos, edhe pse largësia gjeografike është gjëja tjetër përpara asaj që dhe i dyti ka një origjinë arbëreshe. Ditëlindja si e tillë është lidhur në një tërësi të pandashme e bën atë një autor të respektuar. Me fjalë të tjera, me vullnetin e talentit të tij, ai ka krijuar lehtësisht një gjuhë që është e tija. Ajo mbart karakteristikën e tij edhe në këtë datë.

Kjo datë përkon më së miri, pra me një festë të shënuar dyfish ditëlindjesh. Më 24 qershor të vitit 1911 u lind Ernesto Sabato, shkrimtar i madh argjentinas me prejardhje arbëreshe dhe më më 24 qershor 1950 në qytetin e Vlorës ka lindur shkrimtari Viron Kona. Dashamirësit e librave të tyre, miqtë e letrave, dhe familjarët natyrshëm presin me padurim për t'u bashkuar në urime. Dhe kjo arsye e dyfishtë për të festuar është gjithashtu më shumë se një përshëndetje dhe një kujtesë për mikun tonë të letrave, njeriun e mirë, intelektualin dhe talentin vlonjat Viron Kona.

Viron Kona është diplomuar në Universitetin e Tiranës, dega Gjuhë – letërsi. Para vitit 1991 ka punuar në administratën e lartë shtetërore dhe më pas, si drejtor në shkolla të ndryshme. Pas vitit 2010 e në vazhdim si specialist në Ministrinë e Arsimit dhe Shkencës. Është anëtar i Lidhjes së Shkrimtarëve dhe Artistëve prej vitit 1981. Pas viteve 2000, anëtar i Këshillit Kombëtar të Librit. Ka botuar rreth 30 vëllime me tregime, novela e romane për fëmijë dhe për të rritur. Fitues i 7 çmimeve në gjininë e tregimit dhe novelës; fitues i çmimit UNICEF-AMC, për librin më të mirë për fëmijë 2006 „Eh, more Bubulino!“

Krijimtaria letrare e tij është shumë e pasur, që nga ajo për moshat e vogla e deri tek të rriturit, kështu ai në këtë periudhë të përkushtuar krijimtarie ka bërë të gëzohen së lexuari të vegjël e të mëdhenj.

Libra: Etje që shuhej, Pëllumbat, Mos m`i zbukuroni plagët!, Ujkonja, Pulëbardhat përbindëshe, Bubulinoja çamarrok, Dëshira e fshehtë e Bublinos, Pyesni Bubulinon, Eh, more Bublino!, E fshehta e pyllit, Dardi, Dardi në gadishullin e vetëtimave, Të çuditshmit!, Bubulinoja dhe Dardi, në kryeqytetin amantëve të lashtë, (libri i parë), Bubulinoja dhe Dardi në kryeqytetin amantëve të lashtë, (libri i dytë), Delfini i dy deteve drejt aventurave të reja, Drithërimat e yjeve, Dëgjoma zemrën, Budapest!, 28 djem plus një vajzë, Yje mbi Bosfor, Një udhëtim i çuditshëm, Kontrolli i befasishëm i një inspektori, Të fshehtat e një mrekullie, Erlindi dhe papagalli i çuditshëm, Dielli është i imi, Bukuri suedeze, Shpëtoni papagallin Çate!, Për ju, miqtë e mi etj.

Viron Kona ka botuar edhe disa libra me karakter didaktik, si dhe qindra shkrime në shtypin periodik, në gazeta revista brenda dhe jashtë vendit.