DY POEZI NGA MYSLIM MASKA
Apr 6, 2022
1 min read
DY POEZI NGA MYSLIM MASKA
TRËNDAFILI
Linda i lirë,
Pse më bëtë skllav?
Pse m’i fyet Nënën dhe Babanë?
Trëndafil do mbetem,
Edhe i vdekur
Petale bardhë
Si në përrallë…
4 – 4 -2022
TI MË THOSHE…
Më thoshe,
Kur puqen buzët
Shpërthen flaka që fle brënda:
Harbon shpirti,
Hapen udhët
Të papara as në ëndrra.
Dashuria
thoshe ti,
Rron sa rron vesa mbi fletë:
Sepse ndjenja,
S’do t’ia dijë
Në je skllav a në je mbret…
Kur merr flakë,
Nuk do të shuhet
Të digjet të bëhet hi…
Me një tjetër
Kur të puthet
Prapë rilind më thoshe ti…
I nderuar z. Gjergji! Vleresimet tuaja me bejne optimist. Ne kete moshe qe jemi
kemi nevoje edhe per dy fjale te mira te sinqerta.
Me respekt, te fala, Myslimi, Athine.
Ashtu si arti i madh poetik, edhe poezia e Myslimit kurrë s'ka të ngopur së kënduari vlerave më supreme të jetës, siç janë Liria dhe Dashuria. Imazhet, ndjenjat, mendimet, mesazhet e një poetike me finesën dhe sinqeritetin e gjelbërimit të këtyre dy poezive të godasin e emocionojnë. Urime i dashur mik, K.Gjergji.
Faleminderit z. Athanasi, poeti i prozes se bukur. Ndjehem mire me krijuesit e
talentuar dhe fisnik. Perqafime, Myslim Maska, Athine.
S.Athanasi:
Dy poezi! Tek e para duket shpirti rebel i autorit që proteston për lirinë e humbur dhe që pranon të jetë trëndafil i bardhë edhe. . . në pasjetë.
Në poezinë e dytë lirizmi si dialog ka rrokur maja të reja origjinale. Miku ynë Myslym shquhet për të tilla lartësi. Urime e vazhdimësi si gjithmonë. / S.Athanasi/ Athinë.