top of page

DY LIRIKA


DY LIRIKA NGA MYSLIM MASKA

TË KUJTOHET? *

Të kujtohet ty atëherë

Se si era krehërhollë

Krihte vjeshtën flokëverdhë

Mpikste ajrin erëmollë?

Dhe si hyre befasuar

Si një vegim , si një perri,

Shpirtin tim të akulluar

Çuditërisht e shkrive ti.

Ti e brishtëza delikate,

Flakë verbuese vetëtime,

Ti, e ëmbla buzëmjalte,

Ti, vesë- ëndërr dashurie?...

· Botuar ne gazetën “Zëri i Rinisë” në vitin 1973 ose 1974 dhe në poezi të zgjedhura f.48, 2014. MILOSAO.

DO TË VIJ, MOJ, E DO TË TË PUTH

Sipas nje motivi popullor

Do të vij moj, e do të të puth

Dhe me plumba nëpër trup.

Dhe në varr sikur të jem,

Do të ngrihem, do të bëhem erë.

Do të vij të t’i puth sy e buzë,

Të digjemi të dy si shpuzë…

116 views3 comments

3 Comments


Kozma Gjergji
Kozma Gjergji
Mar 27, 2021

I dashur Myslim, më ngacmove me këtë rikthim në kohën e "lavdishme", në të cilën kemi lënë një pjesë të paharrueshme të jetës. Ashtu qe vërtetë ajo Fontanë-Përbindësh. Edhe Straboni "Përbindsha Flake" i pati quajtur djegiet në natyrë të serave bituminoze në tokën midis Taulantëve e Bylinëve (Visoka e sotme).

Më habite që ende e mbake mend këtë poezi timen të asaj kohe. (Do të thotë që të ka pëlqyer). Më kujtohet që sesa për heroikën për ta fikur, doja të zbuloja tek protagonistët njerëzoren larg parrullave. Dhe gjeta çuditërisht diçka për nënën. Pikërisht asaj i kushtohet. Nëse të kujtohet e kam botuar bashkë me 5-6 të tjera në një cikël tek "Zëri i Rinisë".Po e risjell përafërsis…

Like

I nderuar miku im i rinise se hershme, Komi. Te falnderoj perzemersisht per komentin e

dy poezive te mia.

Sado e veshtire te jete "NJE KOHE",... jeta gurgullon bukurite e veta brenda saj.

Varet nga njeriu!:


"Edhe kur bie Nata

Dhe kur cel Agimi

I bardhe ngel Jasemini" ( JORGOS SEFERIS"


jo si ekuivalence, por per vertetesi jetesore dhe ndergjegje shpirterore dhe artistike, po te rikujtoj nje poezi te shkruar ne 1985-1986, per pusin Cakran - 37. Flaka, shperthimi i atij pusi nafte(FONTANA), qe nje perbindesh!... Nje nga te tjeret isha dhe une. per shuarjen e saj.Ti ishe si gazetar. Me sa me kujtohet, pas dy ditesh pas shuarjes se flakes, pime nje kafe ne Turizmin e Fierit.

Nxorre nga…


Like

Kozma Gjergji
Kozma Gjergji
Mar 24, 2021

Më kujtohen plotësisht këto dy lirika fine shkruar atëherë kur talenti yt

merrte fluturim. Edhe sot, pas dekadash ato prapë të emocionojnë me

sinqeritetin e muzikën rinore, madje e dyta dhe me përfytyrimin prej balade.

Ripublikimi i tyre më kujton shprehjen popullore: "Dielli duket që kur lind… "

Përshëndetje dhe përqafime me mall, Kozmai

Like

Shkrimet e fundit

fjalaelireloadinggif.gif
bottom of page