Dr Kopi Kyçyku iku në amshim

Koha do të shtroj shtroje të reja narrative moderne, postmoderne, e shtrojet do të mbulohen me rrjeshta e fjalë nëpër të cilat do të ndjeni gjithnjë mall për të lexuar shkrimet e Kopi Kyçykut tashmë të stivuara në rafte të ndjeshme librash. Dhe heshtja e tyre do të kërkoj të flas më shumë se ka folur, për heshtjen e dhimbshme të ditës së sotme. Dhe dita e sotme do të shënoj iljen në amshim të dorës që i shkruajti këto libra, e kështu do të kalojnë e do të kalojnë dimra e dimra, e ai do të mbetet një memorje e pavdekshme mbi shkrime, vepra e libra. E ne miqtë e tij të letrave që shtrënguam duart, ne që e njohëm nga afër, ne që e kishim bashkëpunëtorin e Fjala e Lirë, do të mundohemi të shprehim ndjenja në pak rrjeshta. E në këto rrjeshta gjithnjë do të vijnë e do të mbeten dimra, vera e pranvera, ashtu sikurse dhe vjeshta që do të ndërroj thjesht gjethet e thjeshta…

Kopi Kyçyku, lindur më 1943 në qytetin e Pogradecit. Kishte mbaruar fakultetet gjeologji-miniera dhe histori-filologji (degët gjuhë-letërsi dhe histori-gjeografi). Ai ishte doktor i shkencave dhe akademik, anëtar themelues dhe anëtar i Komitetit Drejtues Ndërkombëtar i Qendrës së Studimeve Ndëretnike dhe i Komunikimit Social pranë Akademisë së Shkencave të Rumanisë (1991), anëtar themelues i Akademisë së Shkencave dhe Arteve të Evropës Qendrore (1997), anëtar Themelues i Fondacionit Evropian Titulesku (1991), anëtar i Shoqatës së Ballkanistikës dhe Sllavistikës (1992), anëtar i Lidhjes së Shkrimtarëve dhe Artistëve të Shqipërisë (1967) etj. Ai ka marrë pjesë, me referate dhe kumtesa, në shumë veprimtari shkencore ndërkombëtare. Është nderuar me diploma dhe çmime ndërkombëtare për mësimdhënien e stilistikës së gjuhës italiane, të historisë së Ballkanit, si dhe në fushën e përkthimeve. Kopi Kyçyku  ishte edhe themelues dhe botues i Revistës Evropiane HAEMUS.

Në këtë shtrim të shkurtër do të mbeten e do të mbështeten shtroje të tjera narrative dhe bota do të rrjedh në lexime e kujtime, memorje të tjera më të thella. Do të ndodh kështu se ai do të jetë sërrish mes shkrimeve, leximeve dhe kujtimeve si një imazh i preferuar i asaj bote transparente që ai krijoi për vetvete.

@Fatmir Terziu #fjalaelire.com #kopikycyku