BUJAR QESJA: Gëzuar 58-vjetorin Vasip Çopa!

Vasip Çopa në përvjetorin e lindjes

-Detyrim të uroj një kuadër dhe intelektual si ty

BUJAR QESJA

Kjo jeta e jonë është e mbushur me ngjarje, disa të pritura e të tjera të papritura. Kam shkruar jo pak sot, për gëzime dhe për hidhërime. Sot është në ditën e lindjes vajza ime e dytë Nerjona. Por sot është edhe dita e ndarjes nga jeta të shokut të lagjes së vjetër 4, të rrugës “Nail Kondi” Kopi Jorgji në moshën 77 vjeçare.

Por kalendari i datës 20 qershor 2025, shënon edhe një ngjarje jetësore të një kuadri dhe intelektuali të njohur në Durrës. Emri i tij është Vasil Çopa. Detyrimi ndaj kësaj ngjarje, që i takon ta përjetojë në mënyrën më të mirë të mundshme familja Çopa, është jo i pakët edhe për mua.

Që në fillim të urimit, dua ta veçoj veten nga detyra e rëndësishme që ka Vasip Çopa, si drejtuesi kryesor i Policisë Bashkiake të Durrësit. Tek shokët dhe miqtë e vertetë, urimi nuk kushtëzohet. Ka dalë dhe kjo shprehja që hera herës e përdorim edhe pa vend “konflikt interesi”. E unë në këtë pikë, jam në gërshetim shpirtëror dhe absolutisht, ajo që ska fare rëndësi këtu është fjala interes.

Gëzuar 58-vjetorin Vasip Çopa!

Ta zemë, çfarë interesi mund të kem unë me Vasipin, veçse të evidentoj vlerat e një burri të shtruar, masoviku të thekur, komunikuesi të spikatur, kuadri të përkushtuar në detyrë dhe të një intelektuali ,që dita ditës përsos marrdhëniet me njerëzit. Ku më mirë se në ditën e tij të lindjes, mund t’ia paraqes këto tregues pozitivë Vasip Çopës, duke e nderuar Bashkinë e Durrësit me përkushtimin në detyrë.

20 qershor 2025. Vasip Çopa në ditën e 58-të vjetorit të lindjes. Për ta xhveshur veten nga ky i shkreti interes, po prezantoj një foto. Kemi dalë me Vasipin as në klub, as në aheng, as duke e ngarkuar me ndonjë problem, por në një ngjarje tejet të veçantë. Pamja është e 19 prillit të vitit 2023. Sheshit qendror të Golemit, i vendoset emri i vëllait të Vasipit, Nexhip Çopës. Ky Nexhip tashmë “Dëshmor i Atdheut”, me 6 shkurt 1981, kreu aktim sublim të flijimit për të shpëtuar shokët nga orteku. Ishte sëmurë dhe i shtrirë në dhomën e Shkollës së Bashkuar Ushtarake.

Por kur mësoi që shokët po rrezikoheshin, me zërin e shpirtit dhe të ndërgjegjes, vrapon drejt masivit të Fekenit. Por kur ndodhet në malin e Meçekut, një ortek i fuqishëm dhe tinzar shkëputet dhe e përpin Nexhpin tonë, duke e lënë pa jetë.

Ajo që e bën këtë mik timin edhe më të veçantë, është hija e ndritshme e kujtimit që e shoqëron: vëllai i një “Dëshmori të Atdheut”. Dhimbja nuk është thjesht plagë familjare, por rrënjë krenarie kombëtare.

Dhe pamja është e 19 prillit 2023, ku Bashkia e Kavajës e nderon birin e saj dhe birin tonë, duke e ngjallur pasi i vendos sheshit kryesor të Golemit emrin e tij. Pra Vasip Çopa është vëlla dëshmori, përpos të qenit kuadër, intelektual dhe drejtues.

Në këtë ditë mund tia çmoj edhe punën, angazhimet dhe përkushtimet në detyrë, pasi vë re ai dhe grupi që drejton i qendrojnë detyrës në kokë, duke u ndeshur me shumë probleme dhe vështirësi. Në këtë ditë sikurt i ngjit më shumë vlerësimi, por ndërkohë i rritet edhe detyrimi për të vazhduar kësisoj.

Në kronikën e jetës, ka ditë që nuk janë thjesht përvjetorë, por momente reflektimi dhe nderimi. Sot është një prej tyre – 58-të vjetori i lindjes së mikut tim të çmuar, Kryetarit të Policisë Bashkiake të Durrësit Vasip Çopa. Ky burrë i nderuar, nuk matet vetëm me funksionin të cilin mban, por me dinjitetin dhe përgjegjshmërinë që mbart në çdo hap të përditshmërisë së tij.

Vasip Çopa është një emër i njohur dhe i nderuar në Durrës. Kënaqësi që jam në miqësi me të, por detyrimi në kët rast vjen nga begradundi që ka krijuar. Në një detyrë të vështirë për t’u kuptuar, ai ka ditur të qëndrojë i qetë, i vendosur dhe i drejtë, duke ruajtur dinjitetin e institucionit dhe të vetvetes. Ai është përfaqësimi i asaj që mund të quajmë “shërbim civil me ndërgjegje”.

Miku im i nderuar, i ka dhënë kuptim kësaj trashëgimie jo me fjalë, por me jetë: duke qenë i ndershëm, i matur, i drejtë, dhe mbi të gjitha, njeri.

Në këtë ditë të veçantë, nuk të uroj vetëm gëzim për ditëlindjen, por edhe forcë për të vazhduar me të njëjtën ndershmëri, shëndet për të përballuar sfidat që vijnë dhe dashuri nga ata që të njohin e të vlerësojnë.

Gëzuar 58-vjetorin Vasip Çopa! Qofsh gjithmonë i rrethuar nga nderimi që meriton!

Në pamje, majtas Vasip Çopa dhe gazetari Bujar Qesja.

19 prill 2023 në Golem, në sheshin “Nexhip Çopa”