BUJAR QESJA: Boksjeri ynë 14-të vjeçar

Graciano Shoshi në fuqinë e ngritjes

-Boksjeri ynë 14-të vjeçar në rrugën e ndërkombëtarizimit

Të dielën e 1 qershorit 2025, në Shijak u zhvilluan ndeshje boksi për moshat e reja. Morën pjesë boksjerë nga shumë vende të botës, që matën forcat me boksjerë shqiptarë. Ajo që na intereson, është boksimi i 14-të vjeçarit durrsak Graciano Shoshi. Ky djalosh është i biri i të dashuarit për jetë pas boksit, zëvëndëspresidentit të boksit shqiptar dhe presidentit të boksit durrsak Fred Shoshi.

Kujdesi i Fredit ndaj të birit është i jashtëzakonshëm. Kemi vite që e ndjekim Gracianon dhe jemi shumë të ndjeshëm ndaj përparimit të tij. Sipas specialistëve dhe sidomos të trajnerit të tij Enton Kikrri, parashikohet që ringut shqiptar po i vjen një talent i rrallë.

Durrësi është në traditë për boksin. Emra të mëdhenj e kanë përfaqësuar. Kujtojmë Hysen Sharrën, Mustafa Allushin, Ymer Reçin, Ilmi Rekën, Martin Çetën, Selim Bardhetin, Skënder Sadushin etj.

Në pamje, Graciano Shoshi ( majtas) pas përfundimit të dyluftimit me rivalin Nikola Duka që jeton në Angli. 

Duhej të vinte viti 2025 që ky Graciano Shoshi, të çfaqej me kostumin e një boksjeri të fortë, ndonëse 14-të vjeçar. Rivali i tij Nikola Duka, një boksjer shqiptar që stërvitet në Angli, të ndjej fuqinë e prezantimit të durrsakut Graciano Shoshi.

Në përfundim të tre raundeve nga dy minuta secili, gjyqtaria e kishte shumë të vështirë të përcaktonte fituesin. Rivali i Gracianos tonë Nikola, është dy vite më i madh dhe me shumë të ardhme. Pas diskutimesh të gjata u vendos që ndeshja të ndahej në barazim. Ne që e ndoqëm nga afër dyluftimin, u bëmë krenar nga boksimi mjeshtëror i Gracianos dhe këmbëngulja e tij, për të mos u dorëzuar deri në rënien e gongut.

Graciano Shoshi, do të mos e harroj 1 qershorin e vitit 2025, ku prezantoi një boksim cilësor dhe guxoi të përballet me kundërshtar më të madh dhe me perspektivë.

Sigurisht që Graciano do të rritet dhe ndeshje akoma më të forta e presin. Por besimi është i ndjeshëm për t'ia dalë. Fred Shoshi të flet për të birin me këmbë në tokë.

- Do t'i plotësoj të gjitha kushtet Gracianos, që të bëhet një boksjer i madh dhe të kthehet në krenari për Durrësin dhe durrsakët. Po stërvitemi tri herë në ditë dhe ecurinë po e prekim. Kushtet tek klubi Titans janë të mrekullueshme, ku boksi sa vjen e masivizohet tek fëmijët dhe të rinjtë durrsakë. Durrësi po kthehet në qendër cilësore të boksit kombëtar.

Suksese Graciano! Presim me padurim prezantimet e rradhës dhe jemi të gatshëm t'i bëjmë jehonën e duhur. Graciano Shoshi, historia e re e boksit durrsak.