Bota para krijimit

Astrit Lulushi

Sipas një miti krijimi, përpara se të ishte Bota, kishte një hapësirë ​​të pafundme, uji. Pra, nuk kishte asgjë, asnjë gjë, zero ekzistonte. Zero është simbol i përsosur për Pa Fillim, Pa Fund.

Në periudha kohore dhe rajone të ndryshme të qytetërimeve ka pasur emra të ndryshëm popujsh, vendesh me histori, rite, besim e politikë të ndryshme. Por është e pamundur të flasësh për diçka që nuk ka ekzistuar, dhe njëkohësisht të thuash të vërtetën; apo të përshkruash Zeron, jo si ‘asnjë para’, por si ‘asnjë gjë fare’.

Përvoja më e afërt që një person mund të ketë me Zeron është kur bie në koma, ose gjumë të thellë. Duket se Zero është këshilla më e mirë që mund t’i jepet dikujt. Deri më sot asnjë ilaç nuk është më efektiv se gjumi i thellë. Edhe koma në thelb tregon se njeriut i ndodh një bllokim i përkohshëm fizik, kimik ose elektromagnetik. Dalja nga Zero, nga gjumi i thellë, duket sikur del nga diçka Energjike, siç është shishja, ose Ena që mban Ujin.

Ptolemeut (astronomit) i atribuohet futja e “E”-së në vizatimin që simbolizon Ujorin - Enën e Ujit. Simboli i vjetër astronomik është (︎), valë uji. Ujori është një nga 12 plejadat më të vjetra përrreth Zodiakut (Udha e Diellit).

Kur aplikohet si Enë, Ujori i përgjigjet elementit Erë që mbledh ajrin, ujin dhe energjinë kimike e elektromagnetike.

Sigurisht, uji është një densifikim i ajrit, pika Zero dhe Ajri më pak i dendur është më afër Zeros.