Paris!
Përpara nesh dhe ajri zë të shndrisë
Mbi Eifel një diell që digjet flakë
Kjo do të thotë ,që jemi në Paris
Mrekullitë e radhës vijnë pas pak
Ti papritmas ndihesh i ndryshuar
Harron menjëherë çdo mërzi
Qyteti pa ndjerë të merr në duar
Dhe të bën ne çast skllavin e ti
Luvër, Mon Parnas, harku i triumfit
Ku të shkosh më parë ,të shikosh ?
Unë lëviz ngado me dritë i mbushur
Pak më parë e ndjeja veten bosh
Sot mbi Senë gjithë mjegullat janë tretur
Gjithë peisazhet ndërruan menjëherë
Ndofta ky ylber i fshiu me vetull
Dhe i ktheu si veten në ylber
Në çdo shesh shtatore , obelisqe
( Janë të gjallë, por vetëm.që skanë gojë )
Ky qytet është ngopur prej lavdive
Por pa to , nuk mundet të jetoj
Mbretër , perandorë hijerendë
( Historia e tyre nuk mbaron)
Por unë tek Balzaku i kam mendtë
Bronxi i Hygoit më mrekullon
Para nesh gjithë ajri zë të shndrisë
Vargjet brenda meje shkruhen vetë
Kjo do t ' thotë , që jemi në Paris
Çdo përrallë të bëhet e vërtetë !
Paris 20 -3 -2024
