Agim Bajrami: Kulti i emrit dhe vizionit te një gruaje

Rreth librit "Ju e dini emrin tim, por nuk më njihni mua" te Linda Shaqirit

Në mesin e shumë autorëve te luginës, qe tentojnë të krijojnë profilin dhe estetikën e tyre shkrimore, dallon edhe  emri i Linda Shaqirit

Fillimisht kisha rastin  ta njoh në një udhetim poetik në Paris, sëbashku me një grup poetësh dhe poeteshash nga Kosova dhe Shqipëria dhe më pas nga poezitë e herëpashershme, që kjo poeteshe publikon në gazetat dhe rrjetet sociale kombëtare

Janë poezi që krijojnë në heshtje portretin e një gruaje, përballë një peisazh  me mure të lartë moskuptimi, ku sado të flasësh dhe ulërish, cinizmi dhe ftohtësia e tyre nuk lëviz Pa dashur të dal nga krahasimet, poezia e Lindës është një lojë ngjyrash  mes dukjes dhe  mosdukjes, dhe më konkretisht mes ngjyrës së  bardhë dhe grisë dominante

    Një sy i vëmëndshëm, dallon që në krye se libri poetik i Linda Shaqirit nuk është thjeshtë një  përshfaqje  poetike, dhe refleksion kulturor, por një udhetim metaforik  brenda gjërave më të dashura te saj, për ti bërë ato më të  vetëdijshme dhe  me shpirt si veten Eshtë ashtu siç thotë vetë autorja në vënd të hyrjes së vëllimit  Ky libër nuk flet për emra, sepse emrat janë shenja dhe shpesh mbulojnë, sesa zbulojnë

E thënë më troç

Ky libër nuk është shkruar për ata, që duan ta mbushin kohën me lexime të kota, por për ata, që dijnë të transkriptojnë emrat e zëshëm  që klithin dhe dijnë të flasin fjalë të vërteta dhe me peshë 

Parë në një kënd më të gjerë, poezitë e kësaj gruaje të shqetësuar, nuk janë vetëm një udhëtim mes metaforash të guximshme, por edhe një thirrje e sinqertë e fjalëve të pathëna, që dredhin  peisazhet e ngrirë të realiteteve tona difektozë Duke i dhënë fjalëve një efekt magjik, ato arrijnë   ti bindin  gjërat e fjetura dhe lexuesit të dalin nga e zakonshmja e tyre utopike , duke i'u veshur përfytyrimeve të tyre, përmasat e një të nesërme, që ata se kanë  eksploruar akoma  gjer në fund 

Autori i shkrimit

Lakimi i  emrit të saj  në të gjitha rasat dhe format, edhe pse  në dukje mund të ngjajë me një  veprim të zakonshëm gramatikor ,   mund të konsiderohet padyshim edhe si një ftesë për të panjohurit për të marrë guximin intelektual dhe  për të dialoguar me portretin e bukur të një gruaje për një larmi çështjesh të "nxehta " si ato për familjen dhe atdheun, por edhe për të tashmen dhe të nesërmen, që autorja e projekton me sytë e mendjes Kjo e kthen këtë ftesë në një libër me kërkesa rigoroze për një lexim më të vëmëndshëm dhe më të thelluar

Gjithashtu gjatë proçesit të lakimeve autorja gjen rast të depërtojë artistikisht edhe në ato tema, që shumë poetë kanë dështuar ti prekin Shumica e këtyre krijimeve e anashkalojnë tingullin e jashtëm por  merren  me atë çka ngjet në shpirtin dhe botën e brendshme, duke vizatuar në mënyrën e saj, botën e trazuar të saj  dhe hartën  memece të ëndrrave dhe idealeve të saj që presin të realizohen Ajo nuk merret me gjeografinë fizike të tyre me toponime e emra të përveçëm, por me metaforat e  gjurmëve të . rrugëtimeve të pamundura. Për një shpirt të shqetësuar si ajo kulti i emrit,   ka qenë  dhe mbetet  porta e hyrjes në thelbin e çdo të panjohure Kjo është arsyeja që gjatë leximit të poezive të këtij cikli,  çdokush prej nesh  provon të njëjtat ndjesi dhe  emocione që shkaktohen gjatë eksplorimit të një objekti të panjohur

Ma keni thënë emrin qindra herë

Por askush s'më ka pyetur, si e ndjej

Ndonjëherë më duket gur i rëndë

Tjetër herë si diçka, që s'ka lidhje me mua

Si e tillë  kësaj lloj poezie i pëlqen te lëvizë  mes kontrasteve dhe thellësive  mes te dukshmes dhe së padukshmes, mes individit dhe dekorit qe e shoqeron atë me një xhelozi të sëmurë

Një nga dramat qe vuajnë individë  te kohës se sotme, ështe diferenca mes asaj qe shkruan  në letër dhe asaj që ndihet në të vërtetë Kjo e shndërron frazën e saj poetike në një veprim ndërgjegjësor Autoren nuk e shqetëson aspak rrjedhoja e këtij veprimi, sepse poezisë së saj i pëlqejnë përplasjet.

Për të motivuar realitet absurde, nëpër të cilat rritet dhe zhvillohet jeta e një individi të kohës sonë, autorja i'u shpall lufte pasqyrave të gënjeshtërta dhe maskave te bukura, fillon kërkimet e saj drejt vetvetes pavarësisht se  shpirti i saj i brishtë  ende dridhet Ofrimi i leximit të  këtyre poezive eshte njëherësh edhe një ftesë për tu zhytur në psiko analizën e një gruaje,por edhe  tentim për ta vizatuar  atë, në pamje dhe situata te ndera përballë absurdit

Kam qendruan para syve tuaj

Hapur si faqe, që presin të preken

Me krahët si tituj të panjohur

Natyrisht një poezi e tillë e anashkalon estetikën e veprimeve të jashtme duke shpallur sibobjekt qendror brendinë dhe thellësinë

Duke qenë një poezi imazhesh realë  ajo  i kërkon rrugët e hyrjes rënda tyre jo nëpërmjet portave të zakonshme po nëpërmjet fantazisë

Në një botë jo mirekuptuese, mbrojtja dhe lartësimi i emrit me mjete të zakonshme është gati një mision i pamundur, por jo për një njeri si ajo

Gra si Linda kanë lindur për të qenë antipode të psikologjive dhe atmosferave mesjetare, Vargjet e saj i prishin arkitekturat  e vjetra të mendësive tona, prandaj kërkojnë një kohë të veçantë për tu kuptuar

Si pasojë prania e saj  krijon fërkime dhe përplasje të forta Ky eshte momenti kur qenia dhe mos qenia fillojnë të mohojnë dhe shtyrë njera tjetrën, por gjithmonë brenda kufijve metaforikë

"Nuk jam hiri, qe era fryu në fushë te zbrazet

As hija e tretur në drite te genjeshtres

Në errësirën e gjykimit të ftohtë

Unë jam zjarri, që pret të digjet"

Simboli i pasqyrës se thyer, "maska dhe çarja" si një trekëndësh i përmbysur barabrinjas, i mjaftojnë autores, qe vetem nëpërmjet kater vargjeve te japë idenë e zhbërjes dhe tjetersimit te individit

Në pasqyre e thyer te fjalëve tuaja

Shoh copa hiri qe s'janë unë

Cdo copë thote dicka për mua

Por asnjëher mozaiku nuk jam unë

Ky eshte një moment kur brenda poezise dhe autores ndodhin procese te medha ndryshimesh dhe refleksionesh  te thella psikologjike E shkuara vihet në lupën e shqyrtimit, ndersa e sotmja përgatit për tu bëre e neserme Castet e vogla te dobësive, mërzitje dhe lotët e derdhur në heshtje  fshihen menjëherë nga kujtesa e ndezur  dhe në vënd te tyre fiton  krenaria e saj  prej gruaje te fortë

Kapitulli i njohjeve eshte ndoshta më i arriri në këtë libër Metaforat e gjetura dhe gjuha e pasur, i'u japin këtij blloku poezish përmasat e rrefimit, si  dhe e veshin atë me një dritë arësyetimesh  Libri i autores Lida Shaqiri nuk këmbëngul ta lexosh, por ka gjetur mënyrën e vet, se si afrohet tek lexuesi, si me rrezatimin e fortë emocional ashtu dhe dhe për fjalën e mënçur dhe  dhe të figurshme, të cilën autorja ka ditur ta ngrejë në kult.