Myzafer Ramzoti: MËSUESJA IME E PARË

Dikurë..., vite e vite larg,

Dhe unë u bëra nxënës,

I ndrojtur, në klasë të parë.

Më priti mësuese Aspasia,

Më përkëdheli mësuese mirësia,

Më mësoi shkronjat, fjalë e fjali,

Të bëhesha i aftë për Shqipërinë!

E kujtoj gjithmonë mësuese Aspasinë,

Më ndezi për gjuhën dashurinë,

Ajo është bërë engjëll vite më parë,

Në zemrën time ka një lapidarë!

Edhe unë, si ajo, u bëra mësues,

Plot fëmijë e studentë kam mësuar,

U përpoqa të përgatis nxënës luftëtarë,

Që pëe Atdheun u bënë ushtarë !

Nxënësit e mi sot janë burra,

Në çdo skaj të Atdheut i gjenë ata,

Më kujtojnë me një kafe a, në celularë,

Më kërkojnë këshilla si vite më pare.

Atëherë, një tufë me mimoza për ta,

Ishte respekt e vlerësim,

Rezultatet në mësime ishin dashuri !

Mars 2025