Mihal Gjergji: THINJAT E PRITJES

Mihal Gjergji: THINJAT E PRITJES

S'di nga vjen një jehonë ulërime

Kot më thonë, se ti qënke tretur

Pret një yll dhe nga pritja u thinje

Një copë nate te balli ka mbetur

Dhe ky lum' që vërtitet pa rreshtur

Si një bushtër kafshon rreth shtëpisë

Sipër lisit është zverdhur një pjergull

Pret të ngrihet furtunë e dollisë..!

Si nuk gjeta njeri kaq të shtrenjtë

Kaq të dashur sa ti, s'gjeta dot

Brenda syrit ku shkrepnin rrufetë

Shihja nënën kur mbytej në lot!

Tiranë, Shkurt 1984