Emine S. HOTI: ADEM JASHARI

Adem Jashari heroi dardan,

monument qëndrese në botë,

lirinë kish të dashurën e zemrës,

me veprën e tij bëri epokë.

Adem Jashari legjendar,

sot kushtrim për çdo shqiptar,

jetën e tij i fali atdheut,

zemërluani atdhetar.

Ka njohur bota familje heronjsh,

me trima të shquar e atdhetarë,

si Jasharajtë s`gjen kund tjetër,

në të gjithë globin mbarë.

Në Drenicë e gjithë familja,

mbrojtën kullën legjendare,

mbrojtën vatrën e të parëve,

nga mizoria serbomadhe.

Ato ditë të stuhishme,

u derdhën lumenj gjaku,

flakë e zjarr zemrat dardane,

nga i vogli gjer te plaku.

Lum si ti, o kombi ynë,

për luanët që ke lindur,

i tregove botës mbarë,

Dardaninë e rilindur!

U shndërruat në legjenda,

i thatë serbit: ndal, or ndal,

shtëpitë tona janë kështjella,

për lirinë s`bëjmë pazar!

Kombi ynë ju ka flamur,

jeni në ballë të historisë,

ju heronj dhe heroina,

flamurtarë të lirisë.