Ajne Ibërshaj: NË SYTË E MI MUND TË SHKRUASH VARGJE

NË SYTË E MI MUND TË SHKRUASH VARGJE

Nëse të dua më shumë se dje

Ti mos u habit

Dridhjet e shpirtit më tundin

Sot, mes meje dhe teje

Një vijë e hollë shtegtimi ere na veshë

Si një pikturë mëkatare që luan me ferr

Heshtja e zhurmshme

Akull e zjarr në sytë e mi

Brenda nesh

Një flakë e brishtë zjarri na zhvesh

Ndërsa digjem nga etja e hijeve tona të murosura

Duke i mbledhur me duar

Copëzat e jetës

Të dua si ditën që ikën

Nga se e djeshmja merr ngjyrë dheu

Shkërmoqur në buzët tona

Ti e di

Në sytë e mi mund të shkruash vargje

E të vish netëve me hënë

Që ta sjellësh letrën e shkruar me ngjyrën e puthjeve