Agim Bajrami: Letër nga elefanti Buçko

Elefanti Buçko

(Miku im i vjetër )

Më dërgoi nga xhungla

Katër faqe letër

Shkruar me bojë gjethesh

Dhe feçkën e gjatë

Se cfarë i kish ngjarë

Me tigrat një natë

- Më kishin zënë prite

Tek pylli përtej

Më rëntë feçka poshtë

Nëse i'u gënjej

I kish marrë uria

Sytë ju digjnin zjarr

Kur kanë uri bishat

Bëhen si të marrë

Unë nuk u frikësova

Dhe pse ishte natë

-Mbahu i thashë vetes

Se je elefant

-Mbahu që të mbahesh

Se s'ke nga ja mbsn

Po ju ktheve shpinën.

Ata do të hanë

Rrëmbeva një trung

Qe gjeta për tokë

Edhe u'a vërtita

Tigrave mbi kokë

Atij më të fortit

Që desh më kafshoi

Karate i bëra

Me stil prej dragoi

Ulëritën bishat

Oh çfarë ulërime

Gjersa e degjoi

Dhe familja ime

Babi ,nëna, tezja

Më erdhën shpejt pranë

Tigrat i'a dhanë vrapit

Askund më su panë

Më pas bëmë një festë

Më Fanta dhe torta

Heroizmin tim

E mësoi gjithë bota

Cdo ditë vijnë më.shohin

Turistë dhe komshi

Ta ndajnë bashkë me mua

Gjithë këtë lavdi

Një tufë dekorata

Ma ndrijnë krahërorin

Nëse s'më beson

Hap televizorin

Ndaj thashë të ta nisja

Nda larg ketë leter

Sepse të kam shok

Edhe mik të vjetër

Këtu mbaron letra

Me fraza të gjata

Buçko s'është i keq

Por vdes për lëvdata !

Qytet i huaj.

Nuk habitem, pse sot ndihem vetëm.

Dhe në rrugë nuk shoh asnjë njeri.

Ky qytet shkon herët për të fjetur.

Duke hequr zvarrë hijen e tij..

Hyj pa ndjerë në  derën e një bari.

Një.gotë xhin, këtë çast ,nuk do ish keq.

Të më ngrohë  pak trupin nga acari

Dhe humorin tim disi ta ndreq

Banakieri befas mi ngul.sytë

(Sy prej resh mërzije dhe mërish)

Ai ish përgatitur që ta mbyllë

Hyrja ime, planet po ja prish

Ndofta më.mendon për pIjanik

Qe ka vetem goten ideal

Që e kanë përzënë nga shtepia

Dhe do ta shtyjë kohën në lokal.

Prandaj një e dy, më shanë me vete

Duke parë nga unë me neveri

Pijaniku i fundit sa ka ikur

Dhe ky na u desh ,të vijë tani

E harrova ç'doja që të pija

Vetja mu duk befas  një copë mish

Unë gjithmonë kam vuajtur nga vetmia

Por këtu po e vuaj,  njëqind fish