top of page

Vullnet Mato: PLANETI YT NË HERSHMËRI

9 hours ago
1 min read

 

Do t’i falja të gjitha kursimet e mbledhura

nga rropatja e krahëve

dhe nga pagjumësia e penës së ndershme;

Do të falja shtëpinë, komfortin

e vënë me mundim sfilitës pas kaq vjetëve;

 

dhe çdo gjë tjetër të vlefshme,

Po të më vije, moj grua,

edhe një herë,

me atë fustanin e vetëm prej basme;

 

për ta filluar nga e para,

si atëherë,

kur ishe e re, e hijshme dhe e hajthme;

 

Do të hidhja gjithçka,

pa as me të voglën keqardhje,

Sepse nga të gjitha

ç'fituam e ç'patëm ne të dy,

objekti më i vlefshëm deri tani në plakje,

paska qenë planeti yt rinor në hershmëri...

 

Ai planet i zjarrtë,

me shkëlqimin që s’e pati asnjë mrekulli,

në atë qiell dashurie të magnetizuar,

aq sa dhe kur shoh në vegime imazhin e tij,

bën të më digjen në sy

meteorë lotësh të përvëluar...

Ah, sikur të ndodhte sërish ajo pamundësi!...

Comments


Shkrimet e fundit

bottom of page