Taktika e Ptolemeut

Çdo njeri (mbret ose udhëheqës) kërkon fillimisht legjimitet. Historia tregon se vazhdimësia është legjimiteti për të qeverisur. Në 100 vjet kanë munguar të dyja.

Ptolemeu për të qeverisur Egjiptin, i duhej legjitimiteti. Pasi Aleksandri i Madh kishte filluar prerjen e monedhave të tij perandorake, një simbol egjiptian i cili u shfaq në sasi mjaft të vogël: një kokë dashi me brirë me një kurorë e përbërë nga një disk diellor, dy pendë struci dhe brirë dashi anash.

Flitet për 'kërkimin e legjitimitetit' pasi Ptolemeu konsolidoi kontrollin e tij 300 vjeçar në Egjipt. Shumë nga veprimet e tij të hershme në këtë drejtim kishin karakter thellësisht simbolik, veçanërisht marrja e eshtrave të Aleksandrit (322 p.e.s.) dhe ngritja e një varri madhështor në Memphis dhe më pas në qendër të Aleksandrisë. Monedhat e kokës së dashit të kurorëzuar të prera në emër të Aleksandrit shpallnin simbolikisht të drejtën e tij për të sunduar sipas kritereve që vetë egjiptianët mund t’i kuptonin lehtësisht. Në pasazhin e njohur nga Diodorus, thuhet se Ptolemeu (në vitin 323 p.e.s.) u soll 'bujarisht' me egjiptianët. Por sigurisht, Ptolemeu nuk ishte mbreti. Nuk është menjëherë e dukshme se si një satrap i sapoardhur do të shfaqej me të drejtën mbretërore.

Koka e dashit të kurorëzuar nga Aleksandri, e cila u pre në vitet 322-320 pes në 8000 talentet e argjendit që Ptolemeu kishte hequr nga thesari i satrapit të mëparshëm, dhe që ishte mobilizuar për të ngritur trupa, ofron një shpjegim.

Legjitimiteti i faraonit u demonstrua nga kryerja e detyrave tradicionale (mbrojtja e kufijve, mirëmbajtja dhe restaurimi i tempujve, etj.). Mbishkrimet e ndryshme në Luxor dhe Karnak u shpallnin egjiptianëve se Aleksandri i Madh dhe më pas Filip Arrideus i kryenin këto detyra për të treguar vazhdimësi në veprat e ndryshme të ndërmarra. Simbolika komplekse e Aleksandrit të kokës së dashit të kurorëzuar, gjithashtu reklamoi sundimin e drejtë të Arrideut si faraon i emëruar nga Amuni. Ishte Arrideu burimi përfundimtar i filantropisë së shënuar nga Diodorus. Ptolemeu ishte mjeti me të cilin u miratua bujaria e mbretit. Ptolemeu kërkonte të fitonte besnikërinë e egjiptianëve dhe atë të ushtrisë së tij nëpërmjet besnikërisë ende shumë të fuqishme që ndihej ndaj Aleksandrit të Madh. Ishte një besnikëri që duhej t'i transferohej Arrideut që pozicioni i vetë Ptolemeut të legjitimohej, në sytë e egjiptianëve, si rezultat i natyrshëm i mbretërimit të mbajtur dikur nga vetë Aleksandri i Madh.