Shembim mitet




Fatmir Terziu


Shembim mitet

Iam Atë dhe unë pimë çaj ende

përditë

pranë e pranë,

pa mure, pa hapësirë ...

tek Shtëpia.

Unë jam në Ëndërr, im Atë është në Parajsë

…në memorjet e mia.

Kopertina kryesore

Ai nuk është një operator vinçi,

Ai nuk njeh asgjë nga metodat e saldimit

Ai, as nuk mban ndonjë teknologji

në dorën e tij.

Dhe akoma …

proceset e ndërtimit

nuk janë të huaja për të.

Dhe akoma …

atë që ndërton, ai e ndërton ngadalë,

ai ndërton besimin në të.

Ai ndihmon

nga ana tjetër e dritës:

ku në hije

të skelave,

barishteve të këqija

akoma stigmohet gjuha

me shumë urrejtje.

Atje ai ia hedh gati të gjithë profesionalizmin

tëharrjes së gjëmbaçëve

me fjalën me dy tehe.

30 Tetor 2019

Revista... "Ndërtuesi"

Battersea Park, kompleksi i ndërtimeve pranë Tamizit


CV-ja e saktë e komshiut tim nga Mitrovica

Natën fqinji im Krasniqi

e vë helmetën e tij prej çeliku

ngjesh një libër lutjeje

në xhepin e gjerë të xhaketës

dhe nget një mini Lada të nxirë

përmes një galerie afër Trepçës

në drejtim të Mitrovicës.

Në pesë të mëngjesit

ai kthehet në Album.

Londër, 30 Tetor 2019

Në muzeum

Duke lexuar shënimet e luftërave

emrat e të gjithë trimave,

heronjve të mirë,

që lanë jetën për lirinë e brezave,

pyes veten:

ku janë shkruar

vrasësit dhe pushtuesit e tjerë,

apo mos vallë mes nesh duke na ripushtuar?


Sferë

Koha

që na ngre ne

kufinj

ditë pas ditësh

është gjithnjë duke u shfryrë

sikurse kufinjtë

që ne ngremë

për kohën

ditë pas ditësh.

Spaç

Është një fakt i vendosur tani

një poezi është një plazmë kafeje

në këtë liri të trudhosur të fjalës,

shkuma e saj ngulet,

figura të dyshimta, figura të të folurit.

Mendime me hije,

imazhe me farëra klounësh,

dinosaurë të pabindur ndonjëherë,

midis tyre ka edhe informatorë,

marshimi i pikësimit të pandërprerë,

mjafton një pyetje

për të zbuluar një komplot,

në një fjali që ende vret,

në këtë humnerë.

Po,

një poezi është plazma e një kafeje të papirë,

dhe ëndrra e saj është e dënuar

per jetën.

Muret tashmë janë këtu,

Hijet janë varrosor në tru,

Plazma?!

Një shkulmë, për të marrë nga ajo

atë që ne kemi nevojë për të mbijetuar,

bukë dhe ujë.

Spaç, 1998

38 views

Shkrimet e fundit