Fatmir Terziu: GËZUAR KURBAN BAJRAMIN!

GËZUAR KURBAN BAJRAMIN!

Nga Fatmir Terziu

Jam duke shkruar

imazhi kalon nëpër një rrugëtim të përceptuar

dhe ndalet në Qiell të ndriçuar.

Ka kokrra dixhitale të kristalta dhe ngjyrim të qartë.

Dhe sikurse ju thashë,

vargjet nuk anojnë në anën e djathtë ose, sipas rastit,

në anën e majtë

është një poezi që vargëzon ndryshe

ka një dallim të veçantë.

Sa herë që një Yll, shket në hapësirën e kaltër

është një Yllësi e tërë festive me petka të arta

dhe këndon, dhe uron

kur bëhet kurban në mesazhe të qarta.

Jam duke shkruar,

siç po thoja, po ju shikoj të gjithëve duke i kushtuar vëmendje

kur flas për vargjet që zbresin Hyjnisht për të uruar

si melodia e pavdekshme e një kënge

që kalon nëpër kokën tuaj

dhe stacionohet mes yjeve që xixëllojnë duke kënduar.