Dekikat e Peqinit


Xhamia dhe Kulla e Sahatit në Peqin

Dekikat e Peqinit

Nga Fatmir Terziu


Dekikat janë aq të mëdha sa rrënjët

e ullinjve që zgjasin filizat

për të ardhmen.


Tutje në periferi të Fatishtës

një nuselale e zgjuar po ushqen të vegjëlit e uritur.

Në një stol afër portës së drunjtë

një gjyshe është duke krehur flokët e mbesës duke ninulluar.

Në Shkumbin po zbret një ëndërr

në grepat e një të moshuari të urtë.

Një celular vegon poshtë Kullës mesazhi mbi filxhanin e kafesë

një vajzë i dërgon zemra një djali jashtë Atdheut dhe buzëqesh.

Një kumuri bëzan,

në dritaren ku një foshnjë qan.

Një shegë harliset

një tjetër po pret kohën e duhur.

Sahati

pret të shkruhet një poezi për të,

qoftë një muzikë e orkestruar,

si vetja,

ku indi dhe geni të dirrigjohet nga Rifat Teqja.

Të tjerët janë në lutje.

Muret e xhamisë heshtin

ngadalë po shuajnë vetminë për njerëzit që ikin.

Torbat majëkrahi garojnë me hijet në enigmën e zgjidhjes.


Dekikat e Peqinit janë po aq të mëdha

sa shushurrimat e Ullishtes.

12 views0 comments

Shkrimet e fundit

fjalaelireloadinggif.gif