Unë në FLORIDA! (cikël me poezi)
Nga Përparim Hysi
1.Unë në FLORIDA
Kam tri vjet këtu, në SANT PETËRSBURG të FLORIDËS Bashkë me timeshoqe kemi ardhur tek djali. Është aq mirë,sa nuk dallohet nata prej ditës Po ke parë që për SHQIPËRINË na griu malli.
Klima e zgjedhur si në gji të ZOTIT
Gjen çdo gjë...dhe qumësht dallëndyshe
Por prapë nuk i shpëtojmë dot lotit
Ah,sikur kështu dhe në SHQIPËRI të ishte!
Favoret e këtushnme nuk kemi si i bëjmë hasha Se të ankohesh kot, të vretë PERËNDIA! Po ku na hynë në sy,neve,konforti e pasja Gëzimin dhe lumturinë e gjejmë tek SHQIPËRIA.
5 shkurt 2003
2.Sa vende të bukura ka në botë
Sa vende të bukura që ka në botë, Ku dora e njeriut ka bërë mrekullira. Aq bukurira që nuk i përshkruan dot. Me të tila bukurira është plot FLORIDA!
S'do mend që prekesh dhe mbushesh me shend
Sado negativist apo nihilist të jesh.
Por mendja ime për në SHQIPËRI rend
Them:- Më bukur nga SHQIPËRIA kund mund mos gjesh.
Le ta braktisë SHQIPËRINË, kush të dojë Kurse unë vetëm atje dua të jap frymë. Ta dini:-SHQIPËRINË me asnjë vend nuk e ndërroj Mbi gjithë mrekullitë, është vetëm vendi im.
29 janar 2003
3. Kjo natë
Kjo natë me fanfara e me fishekëzjarre
Nuk më solli gëzim. E them hapur fare!
Se mendoj barkboshët në botën e madhe
Që festat i "joshin" me iluzione zhgënjimtare.
Kjo natë është si festë,por s'më mbush me inspirim Sa fëmijë të pafatë,s'festojnë se kanë urinë Ndaj nuk më gëzon kjo natë me fishekëzjarre
Dhe shfryj si shtërngatë kundër pabarazisë aq të madhe.
31 dhjetor 2002
4. Në jetë
Në jetë kam qenë një degë e trashë lisi
Që kurrë nuk u thye,kur mbi të ranë "tramundana"
Por ndryshe, fare ndryshe më është shpirti
Në shpirtin tim flenë veç zogj me krahë të bardha.
Ky shpirt i brishtë,është kthyer në vullkan Dhe ka thyer çdo cunam e tramundan.
30 janar 2003
5. Blerim në dimër
Dimër është: muaji Janar! Befas livadhi i shpirtit bleroi. Në FLORIDA dhe dimri bën behar (Veç kush ka ardhur,mund të besojë)
Shetis këtu me pantollona të shkurtëra
Se këtu, në FLORIDA, ka vetëm një stinë
Para syve ma bën me sy e bukura
Dhe shpirti m'u mbush me blerim.
Kështu filloj e lëshoj "xixa"
E harroj fare moshën që kam
Nisem pas saj, si"syra-mbyllura"
Se ndryshe do bëja bam.
Bam të pëllcas is flluskë sapuni Se syrin e saj, nuk kam si e bëj hasha Epo sa para bën burri Kafshova gjuhën dhe"plasa".
30 janar 2003
6. Për të të besuar
Për të të besuar,as nuk më duhen fare betime (Prova, patjetër... dhe një kohë e gjatë) A je e zonja që mos u shmangesh syve? Se sytë më tregojnë. në je"ditë" apo "natë?"
2 shkurt 2003
7.Poetët hermetikë
Poetët hermetikë që kam njohur në kohëra
Ma"lodhën" kokën me shumë të panjohura
Nuk e dua poezinë që më ngjan me algjebër
Poetë të tillë më duken si "UFO",ardhur nga planet tjetër.
E lexoj poezinë e IKS poeti Dhe nga mendja bëhem pak"rrëmujë" Ndodh si me atë punën e mullirit
-Mulliri punon me erë, po nga i futet ujë?!!!
1 shkurt 2003
8."Parada" e aromave
Aromat sikur po bëjnë"paradë",
Por jo si ushtarët koreano-verior, që demonstrojnë forcë
Ato vijnë e kundërmojnë nga një livadh
Dhe ta mbushin shpirtin plot.
Mushkëritë mbushen me ajër të freskët
Tek thith erëzat ndjen kënaqësi
Unë nbushem plot dhe bëhem aq i prekshëm
Sa me mendje ia mbath për në SHQIPËRI.
Se atje e gjeja këtë aromë Mu tek livadhi që kisha pranë shtëpisë. Lexues, për vargjet, besomë! Nuk ka aromë si e SHQIPËRISË!
5 mars 2003
9. A e di?
Kur të shoh ty,unë tak vë syzat
Por a e di pse ndodh kështu?
I vë se nuk dua të shoh sytë
Dyfytyrësh:-Je njeri i ndytë.
Urrej më shumë njerinë me dyfytyra Se kuçdedrën me nëntë kokë. Dyfytyrëshi për mua është mynxyrra. Ndaj vë syzat se më sjell ndotë.
4 shkurt 2003
10. 4 SHKURTI 1944 !
O ZOT,pse u derdh atë ditë aq gjak (Rrugët e TIRANËS u mbushën me kufoma) U vranë që të gjithë, pa faj; pa shkak Ndaj dhimbja e madhe, vazhdon dhe në ditët tona.
4 shkurt 2004
