SHQIPTAR


Stavri Çipi

SHQIPTAR


Shqiptar i Arbërisë,

shqiptar, o bir i dheut,

tundu, shkundu marrëzisë

kujto kohën e Skënderbeut.


Pirro e Teutë kujto,

Gent, Marko Bocar

se si rende ti ngado

në beteja fitimtar.


Kujto si ishe i bashkuar

njësh vëllai me vëllanë,

si në shekuj qe betuar

për ta ruajtur vatanë.


Si re me flamur në dorë

për dhe e besë martir,

kujto Krujë e Mashkullorë,

Prizren e Manastir.


Kujto sakrificë e gjak,

kujto mund edhe theror,

si re dhe u ngrite prapë

për Atdhe triumfator.


Kujtoje ti udhën tënde

e çfarë po bën sot,

si u ndave pjesë - pjesë

edhe nuk po mblidhesh dot.


Shqiptar i Arbërisë,

shqiptar, o bir i Zotit,

tundu, shkundu marrëzisë

ndiq udhën e qëmotit!


Shtegto udhës Iliriane,

qiejve të dritës shko!

Koha është e arbërorëve

e do të jetë domosdo.


#stavri #cipi

78 views2 comments

Shkrimet e fundit