top of page

Shpresa Fundo Gjergji: MEDITIM


MEDITIM

Nga Shpresa Fundo Gjergji

 

Eci,

dhe mendja diku bredh!

E dehur nga ajri i freskët, nxitoj.

Ky mëngjes më përkëdhel,

diku gërmon, kujtimet mi vjedh,

vazhdoj dhe eci me dimrin e qetë, jo rebel...

 

Eci shkujdesur!

Ndërmend më shfaqesh ti,

kujtimet dhe ëndrrat e lëna pas.

Ca hapa me tej, pikërisht aty...,

ky dimër si një peisazh ku humbas!

 

Eci në vetminë time...,

aty ku thellë e mbaj një thesar.

Dhe ëndrrat, dhe shpirtin e derdhur,

të strukur nga piksama e erës,

më shuajnë vetminë..., sot ndjej mall!

 

Eci,

akoma një ngrohtësi më përqafon.

Vështrimi i humbur përtej detit,

Një shi i lehtë bore më mbështillet,

Ska më gjethe, era diku larg vërtitet...

Aty pranë meje në hapin tim,

në memorjen time venitesh...!

 

Gj. Sh. Janar 2024

36 views0 comments

Comments


Shkrimet e fundit

fjalaelireloadinggif.gif
bottom of page