PANAJOT BOLI: E VEÇANTA E PROMOVIMIT TE NJË LIBRI

NGA PANAJOT BOLI

Në qytetin e bukur poetik të Sarandës është shpalosur gjatë një viti në promovime,një llojshmëeri krijimesh në vargje edhe në prozë të autoreve Sarandiotë, por edhe Gjirokastritë edhe të dy poeteve italianë nga Klubi i Krijuesve dhe Artisteve Jonianë të Sarandës. Dhe nuk ishin pak :14 promovime. Për nga organizimi njeri më interesant se tjetri. Kjo edhe falë përkushtimit dhe aftësive organizative të poetit të mirënjohur, Hekuran Halili, kryetar i këtij Klubi mjaft aktiv.Nuk do t'i referoheshim këtij fakti, ku shumë degë lidhjesh poetësh e shkrimtarësh si dhe shoqata letrare zhvillojnë promovime të tilla për t'u njohur me poetë, shkrimtarë për arritjet e tyre, për fenomet e reja, prirjet si dhe prurjet në letërsinë e kohës, por doja të theksoja për risitë që po sjell ky Klubi i Sarandës në promovime për të inkurajuar talentet e reja dhe për t'a afruar me lexuesin. Keshtu ky Klub krijuesish mundohet të dalë jashtë ''mureve'' të tij. Keshtu ishin edhe dy promovimet e fundit ku ka ''levizur'' dy shkolla të mesme me pjesëmarje të nxlënësve dhe mesuesve të letërsisë dhe ''shkundje''të drejtorive të shkollave që t'i japin një impuls të ri edhe përkrahjes së talenteve të reja në fushën e letërsisë. Një promovim i tillë u zhvillua në Livadhja në kinoteatrin ''Katina Papa'',një bashkëpunim Klubi Jonian i Sarandës në bashkëpunim me Zyrën Arsimore Finiq-Dropull,Sektorin e Kulturës së Bashkisë Finiq dhe Shkollës së Mesme të Livadhjasë ''Lefter Talo'' ku gjithë aktiviteti i promovimit të dy librave poetikë të Panajot Bolit, ''Pranverë e kaltër '' dhe ''Pyeta Syrin e Kaltër'' u drejtua nga nxënësit,ku spekti i pjesë marjes ishte me i gjerë edhe me poetë e shkrimtarë nga Gjirokastra.Këtu u hodh ideja që veprimtari të tilla , që të jenë të efektshme, duhen të zhvillohen me shkollat, të përkrahen talentet e reja, t'u jepet një ndihmesë me përvojen dhe keshillat e poeteve dhe shkrimtareve të rajonit.Për këtë Klubi i Krijuesve dhe shkrimtarëve Jonianë të Sarandës do të bashkëpunoj me mesuesit e lëtërsisë se ketyre shkollave dhe gjetë periudhës shtator-tetor të botojë antologji të nxënësve të shkollave të Bashkisë Sarandë, Konispol, Finiq,dhe t'i promovojë në çdo shkollë. Në vazhdim të kësaj nisme, këtë të shtunë,më 12 Korrik, ky Klub promovoi librin poetik ''Kërkoj veten në heshtje'' të gjashtëmbedhjetëvjeçarës Anisa Xhaferi, nxënese e vitit të parë të shkollës se mesme Konispol. E veçanta në këtë promovim ishte një pjesëmarje dhe një lloj ballafaqimi me drejtorinë e shkollës, mesuesit e letërsië, shoqet e Anisës,poetë dhe shkrimtarë, të afërm të nxënësës së talentuar. Ishte një takim interesant mjaft frytdhenës,ku mesuesit e lëtërsisë dhanë përvojën e tyre në ndihmë të talenteve të reja,përkrahjen e Anisës dhe talenteve të kësaj shkolle, diskutimet e shoqeve të saj, mendimet, keshillat dhe analiza dashamirese në mbeshtetjen dhe inkurajimin e kësaj talenteje.Interesant se në këtë takim ishte edhe një poet italian që e inkurajoi Anisën, si dhe poeti dhe përkthyesi Ilirjan Bahri, i cili premtoi se do t'i përkthejë disa poezi që i kishin pelqyer, në italisht.. Risitë në promovime të të tilla, që dalin jashtë ''mureve akademikë'' të klubeve letrare ia vlen për të sjellë , mbeshtetur dhe inkurajuar talentet e reja si dhe për të sjellë librin më pranë lexuesve 'JAM SI LENDINË E LULEZUAR, PLOT ME ENDRRA E DASHURI' -Se jam fëmijë e endërroj- -Një veshtrim te vellimi poetik ‘’Kërkoj veten në heshtje’’ të nxënëses gjashtëmbëdhjetëvjeçare Anisa Xhaferi- NGA    PANAJOT BOLI Ishte një befasi dhe kënaqësi kur lexova vellimin poetik të nxënëses Anisa Xhaferi nga shkolla e mesme e Konispolit.Dhe Anisa është vetem 16 vjeçe.I është poetizuar shpirti shumë herët me një shperthim të talentit, fantazisë dhe ndjeshmerisë. Një shpirt i brishtë që ka shpethyer herët.Dhe më gëzon fakti edhe si mesues letërsie, kur nga bangat e shkollës çelin filiza të letërsie,në një kohë që libri braktiset dhe rendet pas rrjeteve të shumta sociale, më tepër vizuale dhe ku mungon mundësia e levrimit të fantauisë dhe të menduarit aktiv.Është një fenomen që ndeshim përditë dhe duhet t'i rikthehemi librit,i cili nuk mund të zevendësohet dhe nuk i ikën vlera kurrë.Dhe Anisa ia di vlerën librit,    dhe ndihet e privilegjuar që po hap derën të futet në pallatin e letërsisë.E druajtur, e emocionuar,kthen kokën prapa e shikon buzëqeshjen e mesuesesve të saj të letërsisë që i japin kurajo dhe i thonë: -Trokit,do të pranojnë,ke shpirt poeteje.. Anisa është një zogezë që fluturoi para kohe nga foleja e saj. Se ndjeu se flatrat do ta mbanin. Se pati guxim.Se bukuria e lartesive të qiellit, bukuria e jetës shperthyen shumë herët në botën e saj fëminore.Se si thotë vet ajo''jam si lendinë e lulezuar, plot me endrra e dashuri' Veretet Anisa u rrit shpejt    dhe shpertheu me gjithë ndjesitë e saj, me shqetësimet e një vajze të rritur para kohe. Ajo që e bën jetën të bukur për ta ndjerë, është të endërrosh, të fantazosh , të luftosh për këto endrra.Bësojmë dhe shpresojmë se më këtë buitje të botës së saj , më këtë filllësë    me një fantazi për t'u admiruar për moshën e saj, Anisa do të arrijë një vend nderi në letërsinë tonë. ''Se jam fëmijë    e endërroj''.. kjo do të thotë shumë sipas kredo të saj, se kush endërron, kush fantazon , ka mendim, ka ndjesi,di ta shpreh botën e saj, të sjell emocione, ta jetojë jetën , këtë jetë që si thotë edhe vet ajo është ''det me dallgë'' dhe ajo një notare e guximshme,e patrembur, romantike mes kaltërsisë.Më emocionon kjo fillesë e saj    poetike, interesante, se ka brenda një përceptim ndiesor për shumë aspekte të jetës së përditshme,një pjekuri admiruese se si i trajton temat për moshën e saj. Edhe ajo që na entusiazmon dhe bësojmë në të ardhmen e talentit të saj, është një gamë e gjerë temash, që mendon dhe trajton,se ajo di të verej gjithshka që ndodh rreth saj, gjithashtu di të zgjedh detajet, pra të jap me një forcë emocionuese çdo rrahje të shpirtit të saj    për atë që sheh e degjion,për atë që ka përjetuar nga leximet.Poezitë e saj    na thonë se është një lexuese e apasionuar dhe di    të marrë atë që i lë gjurmë    dhe ta përpunoj me fantazinë e saj kaq bukur. Kam parasysh këtu, dhe më ka ngelur si një nga gjetjet më të bukura kur Konispolin e quan rrapi i ÇAMERISË. Anisa ka talent poetik.Duke lexuar vellimin e saj të krijon bindje se ke të bësh me një talente.Pse e them këtë? Nuk e kam fjalën te tematika, por menyrën    emocionale e shprehjes së ndjesive të saj. Di të krijoj emocione, dhe të gjej detajin. Di të përdor bukur metaforën gjë që tregon    për zanafillën e një poeteje..Çfarë imazh të bukur krijon, çfarë mesazhi përcjell vetem në një varg: se ''nën rrezet e diellit endërrohet' ose për mesuesin kanë shkruar të gjithë poeteët por Anisa gjen diçka origjinale    për të dhenë misionin e mesuesit ''Ti, përditë na përkunde/ djepin me dritë diturie'' Anisa vajzë njomëzake me endrra dhe deshira të medha''të kisha forcë si hyjnia/jetën ta bëja parajsë'' kërkon një botë me të paqtë me të bukur, harmoni, lumtzri te njerezit.Më la mbresë poezia për vëllanë, siç dinë të ndjejnë motrat kur humbasin një njeri aq të shtrenjtë siç është vëllai Dhe kjo vajzë e brishtë na bën që edhe ne të ndjejmë dhimbjen e saj, të prekemi thellë. Si elegji , është, dhe vetem një shpirt motre mund të shprehet keshtu''Sa edhe malet më përmbysen....s'lë gurë pa mallkuar'' Këtu ka art.Këtu kanë mbirë filizat e talentit të saj Dhe do të shtoja për ta bërë    me të qartë bindjen timë se figuracioni i saj është jo shumë i kërkuar, rrjedh natyrshme por me kontraste që sjellin imazhe interesante qoftë për nënën, qoftë për kohën ''Ti je dimri dhe pranvera/ti je jeta, ti je vesa/ti je bota , ti je shpresa''ose ''Vjen e ikën/dhe s'kupton/ herë me diell/herë me ciklon.''Ja pra shkendijat e saj poetike që shpresojmë do të jem më vonë të furishme Tematika për moshën e saj është mjaft e pasur.Ajo mundohet të zhbirojë brenda ketyre fenomeneve që i ndjek me imtësi dhe vemendje, të shpreh deshirat e saj, humanizmin,dashurinë që nga zogu, lendina, vëllai, koha, shoqja, mesuesit, nena, endrrat dhe zhgenjimet, por gjithmonë me besim tek e bukura e së nesermes me naivitetin e saj fëminor, por që na befason, na vë të mendojmë thellë. Dhe si një adoleshente që endërron për një jetë të bukur, si fëmijë e padjallëzuar shprehet në atë që do ta quaja shtyllë kurrizore e poezive të saj ''Dua...dua...dua/pafundësisht dua' Na befason te poezitë e saj    edhe pjekuria në trajtimin e disa temave    që kanë përjetime filozofike siç është poezia ''Yjet e mi'''Dua që kur t'i përqafoj    t'i ndjej pranë, të ngrohtë, që zemrën të ma shkrijë nga akulli i ftohtë' Ose të poezia ''Jeta', ''Nuk bësoj më''    Edhe tek shpirti i poetes se re ndihet ajo gjurmë    i shoqerisë se sottme pasive, me pasigurinë për të neserme, e tramatizuar. Një tis depresiv shfaqet diku brenda saj,    të cilin ajo do ta luftoj, dhe duket pjekuria e saj,   ajo që endërron një botë të paqtë, që po të ishte hyjni dota bëntë parajsë''Më ndriti një çast kjo botë/por shpejt më hodhi në terr/ah e mjera    që po lëngoj/nga çdo plagë që shpirti merr'' Ajo që ngre vlerat e këtij vellimi, ështe se Anisa kap shqetësimet e kësaj shoqerie që jeton, bëhet aktive Shpirti i saj shqetësues shkon drejt një revolte.Dhe kjo është mjaft pozitive për një poete të re.''Një ditë thirra e shqetësuar/ pse e zhgenjyer dua të rri?' Toni i saj është i fortë, i drejtpërdrejt, i një poeteje që i ngjan Migjenit, shperthim me nerv.''Pse hesht o njeri:''Ku jini o shqiptarë'' '' Se ky s' është fundi/ por fillimi im''    Ka poezi të arrira që na premtojmë se kjo vajzë e re e ka nisur bukur rrugën e veshtirë të poezisë.Gjithkush po të lexoj poezi të tilla në këtë vellim si ''Zhgënjim''Sikur'', ''Dilema'' ''Do të doja '' ''Lepuri'' ''Largimi'' e tjera do të verej arritje të lartë artistike. Sigurisht që brenda vellimit ka edhe poezi të parrira, dhe kjo është e kuptueshme për një fillestare dhe me moshë të vogël. Aftësitë e saj si talente e re duket se sa mirë dhe me mjeshtëri përdor metrikën, ritmin dhe figuracionin në poezitë e saj, Është për t'u falemnderuar në radhë të parë dy mesueset e saj të letërsisë që i futen dashurinë për poezinë, Klubin e Krijuesve dhe Artistëve të Sarandës me Kryetar Hekuran Halili që e mbeshtetin dhe e inkurajojnë këtë talente të re duke e promovuar librin në qytetin e Sarandës në bashkëpunim me shkollën e mesme të Konispolit.Dhe është detyrë e të gjithëve të mbeshtetim talente të reja, në radhë të parë mesuesit e letërsisë Se Anisa Xhaferi është lendinë e lulezuar. Dhe ka endrra shumë.