NË SHTËPINË MUZE TË THEMELIMIT TË LIDHJES SHQIPTARE TË PRIZRENIT
ME MATURANËT E KLASËS 4-6 TË GJIMNAZIT “ISMAIL QEMALI” TIRANË
Në shtëpinë muze të Thmelimit të Lidhjes Shqiptare të Prizrenit
Në gjimnazin “Ismail Qemali” Tiranë organizoheshin shumë veprimtari edukative në shkollë e jashtë shkolle. Më 24 mars 2011 u organizua në qytetin e Prizrenit. Maturantët e gjimnazit "Ismail Qemali" Tiranë, prisnin të gëzuar vizitën në Prizren, për të vizituar Shtëpinë Muze të Lidhjes Shqiptare të Prizrenit. Autobuzat me 350 nxënës-maturantë ecnin me shpejtësi e maturantët na shoqëronin me këngë gjatë gjithë rrugës. Nëpër rrugën e re të Kombit gëzimi ishte i dyfishtë.Për herën e parë do të kalonim tunelin e Kalimashit e do të preknim tokën e shenjtë të Prizrenit.Edhe zoti na ndihmoi,duke na dhuruar ditën e 24 marsit me ndriçim diellor.Relievet e dikurshme të Mirëditës të egëra e të ashpëra ishin zbukuruar nga veprat e shumta të artit që shoqëronin rrugën Milot–Morinë. Emocionet e e gëzimit të nxënësve shprehnin dashurinë për trojet tona Dardane,që kanë qenë gjithmonë djepi i Luftës për liri e Pavarësi.
Sapo zbritëm në Prizren u përshëndetëm me fytyra të gëzuara të vëllezërve tanë Prizrenas, kudo gjetëm bujarinë,dashamirësinë.Dielli ndriçonte gjithë mjedisin e Prizrenit,por ne pamë në fytyrat e qytetarëve Prizrenas diellin e ndjenjave panshqiptare.Në fytyrat e zemrat e tyre shprehej gëzimi mikpritjes shqiptare.Në çdo hap që hidhnim fiksohej një fotografi.Sa bukur komunikon me gjuhën e nënës,me gjuhën shqipe.Kudo në qytetin e Prizrenit gjetëm mjedis të pastër.Asnjë mbeturinë për tokë.Shumë maturantë më thane: “ - Sa të edukuar e të sjellshëm janë Prizrenasit.Flasin me zë të ulët.Lëvizin të qetë e shumë tëgëzuar.”
Emocionet më të forta ishin kur u futëm në Shtëpinë Muze të “Lidhjes Shqiptare të Prizrenit”.Të gjithë nderuam Shtëpinë Muze “Lidhja shqiptare e Prizrenit”, heroizmin e Ali Pashë Gucisë, të Isuf e Hodo Sokoli, të Sulejman Vokshit,të të gjithë rilindasve që shitën pasurinë për ta bërë Shqipërinë me Liri e Pavarësi.
Trimat kosovarë nuk kanë pasur frikë nga plumbi dhe as nga litari.
“ Sef Kosharja i pari fisit /
Të ka hije maja e lisit /
Më ka hije djemtë e mi /
se kam vdekë për Shqipni“.
Kudo pamë dashuri për vendin dhe shumë respekt për njeri-tjetrin.Mbi të gjitha në çdo bisedë, prizrenasit tregonin shumë dashuri për Shqipërinë.Të gjithë maturantët morën mbresat më të mira nga Prizreni e prizrenasit,mbresa që nuk do të zbehen kurrë.
Qatip Mara
Nju Jork 18.08.2020
