Halil Rama: TATJANA ÇARKAXHIU (PARLLAKU) NË TRIBUNËN E TAKIMIT...

Përkujtimi i 83-vjetorit të Konferencës së Pezës. Homazhe dhe vendosje kurore në emër të OBVLP

TATJANA ÇARKAXHIU (PARLLAKU) NË TRIBUNËN E TAKIMIT

PËRKUJTIMOR NË 83 VJETORIN E KONFERENCËS SË PEZËS

Halil Rama – Mjeshtër i Madh

• Në emër të Organizatës së Bashkuar të Veteraneve të LANÇ dhe pasardhësve, kryetarja e kësaj organizate Tatjana Çarkaxhiu Parllaku dhe anëtari i Kryesisë së OBVLP, veterani 91 - vjeçar Shuaip Methasani vendosën një kurorë me lule pranë memorialit të Konferencës në Pezë, në shenjë respekti dhe nderimi për të gjithë ata që kontribuuan në këtë moment historik për vendin…

• Pas ceremonies, vizitë impresionuese në fermën bujqësore e blegtorale të sipërmarrësit të suksesshëm Kadri Cani, në Pezë të Madhe…

Në kuadër të festimeve për 83-vjetorin e Konferencës së Pezës, u zhvillua një aktivitet përkujtimor për të nderuar figurat dhe kontributin historik të pjesëmarrësve në këtë ngjarje kyçe të rezistencës antifashiste shqiptare.

Në ceremoninë përkujtimore në Pezë morën pjesë deputetë, përfaqësues të autoriteteve vendore, institucioneve shtetërore, organizatave të veteranëve dhe qytetarë të shumtë.

Në emër të Organizatës së Bashkuar të Veteraneve të LANÇ dhe pasardhësve, kryetarja e kësaj organizate Tatjana Çarkaxhiu Parllaku dhe anëtari i Kryesisë së OBVLP, veterani 91- vjeçar Shuaip Methasani vendosën një kurorë me lule pranë memorialit të Konferencës në Pezë, në shenjë respekti dhe nderimi për të gjithë ata që kontribuuan në këtë moment historik për vendin. Nga OBVLP merrnin pjesë gjithashtu sekretari i përgjithshëm Halil Rama – Mjeshtër i Madh dhe anëtari i kryeesisë së kësaj organizate, mësuesi veteran Skënder Murrja.

Kryetarja e OBVLP Tatjana Parllaku Çarkaxhiu që ishte në tribunën e këtij eventi përkarh Prof. Hulusi Hako-Kryetar i OVP të LANÇ “Nderi i Kombit”, bashkë me autoritete qëndrore e lokale tha se në këtë konferencë morën pjesë përfaqësues të forcave antifashiste shqiptare, me synim që të formohej një front i përbashkët lufte kundër okupatorit. Pprotagonistë të këtij kuvendi që ishin 17 delegatë, përfaqësues të krahinave dhe besimeve të ndryshme fetare, klasave dhe shtresave me bindje politike nga më të ndryshmet.

Pas fjalës programore të prof. Hakos, Znj. Çarkaxhiu - Parllaku bëri të ditur pjesëmarrësit e këtij kuvendi që vinin nga rryma të ndryshme politike, si: Abaz Kupi, Ymer Dishnica, Mustafa Gjinishi, Koço Tashko, Enver Hoxha, Nako Spiru Aziz Çami, Halim Begeja, Haxhi Lleshi, Ismail Petrela, Mustafa Xhani, Myslim Peza, Ndoc Çoba, Ramazan Jarani, Skënder Jegeni, Skënder Muço dhe Nexhmije Xhuglini.

83 vite pas Konferencës së Pezës, kryetarja e Këshillit Bashkiak të Tiranës, Megi Fino kujtoi sakrificat e bëra në vitin 1942 dhe theksoi rëndësinë e unitetit kombëtar.

Gjatë aktivitetit përkujtues, Fino deklaroi se detyrë sot është të vazhdohet me të njëjtën frymë si në Konferencën e Pezës.

“Detyra jonë si pasardhës e atyre që bën aktin historik të Pezës është të tregojmë të njëjtin guxim e vizion sot në ditët tona Të bashkojmë forca për të përmirësuar jetën e qytetarëve për të nderuar shkolla, institucione moderne për të respektuar të moshuarit për të mbështetur të rinjtë dhe për të afruar Shqipërinë çdo ditë e më shumë me Europën. Le të kujtojmë gjithmonë se Peza nuk ishte vetëm mbledhje politike, por një amanet i madh kombëtar të punojmë së bashku me zemër e mendje të hapur për një Shqipëri të lirë, të drejtë dhe europiane”, u shpreh Megi Fino, kryetare e Këshillit Bashkiak të Tiranës.

NJË NGA MOMENTET MË TË RËNDËSISHME TË UNITETIT POLITIK

NË HISTORINË SHQIPTARE

Konferenca e Pezës, e mbajtur më 16 shtator 1942, shënon një nga momentet më të rëndësishme të unitetit politik në historinë shqiptare, ku përfaqësues të forcave të ndryshme politike u bashkuan për të krijuar një platformë të përbashkët në luftën kundër pushtuesve fashistë.

Disa prej vendimeve më të rëndësishme të konferencës së Pezës janë:

1- Krijimin e Frontit Antifashist Nacionalçlirimtar, ku do të bënin pjesë antifashistë pa dallim feje, krahine dhe ideje;

2- Mobilizimin e popullit në luftë kundër pushtuesve fashistë;

3- Ngritjen e Këshillave Nacionalçlirimtarë në të gjithë vendin;

4- Rreshtimin e Shqipërisë përkrah koalicionit antifashist anglo-sovjeto-amerikan;

5- Krijimin e një Shqipërie të lirë, të pavarur e demokratike pas lufte.

Sa për çështjen e rikthimit të mbretit Zog u vendos që vendimi të merrej pas lufte nga vetë populli shqiptar. Lidhur me çështjen e Kosovës, u arrit në përfundimin që ajo të zgjidhej pas luftës, mbështetur në të drejtën e vetëvendosjes. Në fund të punimeve Konferenca zgjodhi Këshillin e Përgjithshëm Nacionalçlirimtar, me kryetar Kamber Qafëmollën.

Si çdo vit edhe këtë 16 shtator, u zhvilluan aktivitete në përkujtim të kësaj dite të rëndësishme historike për vendin tonë. Veprimtaria përkujtimore dhe festive që u organizua nga Bashkia Tiranë me rastin e 83-vjetorit të Konferencës së Pezës, nisi në orën 09:00 me ceremoninë zyrtare përkujtimore në memorialin e Pezës, në nderim të Luftës Antifashiste Nacionalçlirimtare. Programi vijoji gjatë gjithë ditës deri në mbrëmje me lojëra tradicionale, valle popullore, koncerte, shfaqje teatrale dhe aktivitete të shumta kulturore e artistike.

VIZITË MBRESËLËNËSE NË FERMËN E SIPËRMARRËSIT

SHEMBULLOR KADRI CANI

Pas veprimtarisë përkujtimore festive me rastin e 83-vjetorit të Konferencës së Pezës, drejtuesit e OBVLP, kryetarja Tatjana Çarkaxhiu Parllaku, Sekretari i përgjithshëm Halil Rama dhe anëtarët e kryesisë Shuaip Methasani e Skënder Murrja vizituan fermën e sipërmarrësit të suksesshëm Kadri Cani – një kompleks mbresëlënës blegtoral në Pezën e Madhe, (2013 e në vazhdim), me 15 lopë, 10 viça, një dem e 2000 pula, si dhe me 1.2 ha në pronësi dhe 3 ha me qira, të mbjella me foragjere e perime, si dhe me pemë frutore të të gjitha llojeve.

Nga bashkëbisedimi me të krijuam bindjen se ai është përfaqësues i vlerave më të çmuara intelektuale të brezit të tij, me një integritet shumë të lartë moral dhe intelektual. Mesazhet që përcjellin shembullin e tij kanë emrin KRENARI. Krenaria ka nevojë për një truall, për një shtrat që rritet…E pikërisht në këtë shtrat ka ecur dhe ecën Kadri Cani, i përshtatur mirë me kohën, bujar, fisnik, intelektual i mirëformuar dhe i zoti, që ka çarë në jetë me mençuri e sakrifica.