Fatmir Terziu: Televizioni shqip në diasporë një transformim

 Televizioni shqip një transformim në argëtimin dixhital global

 Nga Fatmir Terziu

Biznesi global i medias tregon qartë se shikueshmëria tradicionale e televizionit është në rënie, veçanërisht midis brezit mijëvjeçar. Konsumi i videos po rritet, i nxitur nga një rritje e përgjithshme e konsumit të videove në internet, veçanërisht në shërbimet celulare dhe video sipas kërkesës. Përdoruesit shikojnë përmbajtje shpesh në kombinim me forma të tjera argëtimi të ashtuquajturat multi-tasking,  duke parë dhe duke përdorur disa programe në të njëjtën kohë. Prandaj, korporatat televizive globale po investojnë shumë në shërbime transmetimi dhe përmbajtje origjinale, produkte dhe marka të tilla në internet për të ofruar përmbajtje dixhitale të përshtatshme, histori dhe përvoja, sipas pritshmërive të audiencës shqiptare. Të gjitha këto aspekte në formësimin e së ardhmes së medias çojnë në të ashtuquajturën konvergjenca midis industrive audio-vizuale dhe telekomunikacionit.

Sfidat me të cilat përballet tregu televiziv në mesin e shqiptarëve të kundondodhur, gjithashtu dhe të shqiptarëve në Britani të Madhe, ndjekin tendenca të ngjashme globale. Shërbimet që afron për shqiptarët në Britani të Madhe, inxhnieri Gëzim Ethemi zhvillojnë shërbime që lidhin konsumatorët me përmbajtje nëpër ekrane të shumta, në lëvizje, në shtëpi, në internet, jashtë linje, nëpërmjet programeve televizive ose katalogut sipas kërkesës, të ashtuquajturat si shërbim linear, ose jolinear.

Në fund të dekadës së dytë të shekullit të 21-të, kuptimi tradicional i televizionit po ndryshon dhe po zhvillohet nën ndikimin e mjedisit aktual të tregut dhe proceseve dinamike si konvergjenca mediatike, dixhitalizimi, ndërveprimi i audiencës, rritja e konsumit të përmbajtjes video. Teoricienët e medias dhe komunikimit do ta përkufizonin atë si një hap drejt një konceptualizimi të mëtejshëm të thelbit të televizionit, që lidhet me mjedisin dixhital-teknologjik, modelet e biznesit të kompanive kryesore mediatike, gazetarinë profesionale dhe politikën editoriale të përcaktuar nga korporata, gazetarinë shumë të personalizuar, gjithashtu. si pjesëmarrje aktive në diskursin mediatik të audiencës konsumatore. Këto janë disa nga aspektet më të spikatura të procesit modern të komunikimit, në të cilin televizioni si medium ka një rëndësi kryesore.

Në terma të thjeshtë, shikimi i televizionit është zgjeruar nga programimi tradicional televiziv dhe përzgjedhja e dorës në distancë tek abonimi në një shumëllojshmëri shërbimesh mediatike audiovizuale dhe përpilimi i një katalogu të programeve të ndryshme sipas zhanreve, që afron paketa e afruar nga inxhinieri Gëzim Ethemi. Në nivel global, modelet e tilla të biznesit të disa gjigantëve globalë të teknologjisë po formësojnë të ardhmen e televizionit në hapësirën online. Falë evoluimit të mjeteve dixhitale dhe teknologjike, dhe falë profesionalizmit të Gëzim Ethemit, shikuesi shqiptar ka mundësinë të konsumojë dhe krijojë përmbajtje programore ose lidhjen përkatëse në lloje të ndryshme pajisjesh në një kohë dhe vend të përshtatshëm, dhe kjo e përcakton atë më shumë si konsumator sesa një shikues tradicional pasiv.

Të plotë tek revista "Albanian Post" Gusht 2024