FJALA LOTON


    Vasil Tabaku

    FJALA LOTON Nga Vasil Tabaku


    Uragani I fjalëve

    Fle në qiejt e zëmrimit.

    Brenda meje, klithmat e heshtjes

    Ndërtojnë

    një qytet dhimbjeje pa fund

    I keni parë fëmijët këmbëzbathur

    Nëpër rrugët e qytetit

    Me doren të shtrirë përpara

    Si një përmendore e mjerimit

    Në fytyrën e tyre engjëllore

    Rri varur një fjalë e palexueshme

    Ndërsa

    vështrimi shëndrrohet në një lutje…

    Ka shtëpi prej drite

    Ku lumturia njerzore

    ndërton magjinë e dashurisë

    Por ka dhe mijëra shtëpi vuajtjeje

    Strehëza fatkeqe

    Ku uria

    luan dramën e vetvrasjes

    dhe cmendurisë…

    Mbi pemët e rrugës

    Zogjtë prej puthjesh të përgjakura

    Vajtojnë sfinkësat e trishtimit…

    Ndërsa përballë

    Mbi një tempull mëkati

    Njeriu I pushtetëshëm,

    derdh në mermer

    Buzëqeshjen e tij të kthjelltë

    Dehur nga mbipasuria dhe krimi

    I verbër përpara ditës që rrënkon

    Indifferent, I pamëshirshëm, arrogant

    Ndërsa I kërkon Zotit

    Ti fali vetëm paqe dhe bekim…

    Vetëm tani e kuptoj

    Përse dhemb puthja ime

    Dhe përgjaken petalet e trandafilit

    Përse dënes

    zhvirgjërimi I shenjtë I vajzës

    Në krahët e mbrëmjes

    si një murgeshë…

    Përse drita e agut

    Trëmbet

    Mbi krahët e pëllumbave

    Dhe fjalët e mia kanë ftohtë

    Nëpër pragjet e përlotur të shtëpive

    Dhe unë

    Shëndrrohem I tëri në një rrevoltë…


    #vasil #tabaku

    9 views

    Shkrimet e fundit