Fatmir Terziu: Flasim për një kthesë 180 gradë!

Flasim për një kthesë 180 gradë!

Nga Fatmir Terziu

Gjatë vizitës së parë të një Kryeministri Britanik, në Shqipëri, Sir Keir Starmer, njoftoi se qeveria po shqyrton dërgimin e azilkërkuesve të dështuar në "qendra kthimi" jashtë vendit, pasi të kenë shteruar të gjitha opsionet e apelimit. Në vend që t'i mbajnë njerëzit në Mbretërinë e Bashkuar, grupi i Partisë Laburiste dëshiron t'i dërgojë ata në Ballkan. Duke folur sot në Tiranë, Starmer këmbënguli: „Ajo që tani duam të bëjmë dhe po diskutojmë, flasim, janë qendrat e kthimit, ku dikush ka kaluar nëpër sistemin në Mbretërinë e Bashkuar, ata duhet të kthehen dhe ne duhet të sigurohemi që ata të kthehen në mënyrë efektive dhe do ta bëjmë këtë, nëse mundemi, përmes qendrave të kthimit. Pra, kjo është ajo për të cilën bëhen bisedimet. Do të thoja se në këtë fushë asnjë masë e vetme nuk do të jetë masa që, nëse doni, është një zgjidhje e shkëlqyer.“

Duke i bashkuar të gjitha arrestimet, konfiskimet, marrëveshjet me vendet e tjera, kthimin e njerëzve që nuk duhet të jenë këtu dhe qendrat e kthimit, nëse mundemi përmes këtyre bisedimeve ta shtojmë në arsenalin tonë, do të na lejojë të luftojmë këtë tregti të neveritshme dhe të sigurohemi që t'i ndalojmë ata njerëz të kalojnë Kanalin.

Por, ndërsa Downing Street është e bindur se planet janë "krejtësisht të ndryshme" nga skema e deportimit e qeverisë Konservatore, një burim nga Whitehall pranoi për mediat, se plani ishte "i lehtë nga Ruanda" dhe mund të vepronte si një pengesë për azilkërkuesit e dështuar. Njoftimi i Sir Keir vjen pas një sondazhi të YouGov këtë javë që tregoi se 50 përqind e britanikëve tani e konsiderojnë imigracionin si problemin më urgjent me të cilin përballet Mbretëria e Bashkuar. A do t'i bindë njoftimi i sotëm votuesit se Partia Laburiste është serioze në trajtimin e çështjes?

Por ndërsa Starmer njofton skemën e stilit të Ruandës në kthesë 180 gradë ndaj imigracionit, Kryeministri i Shqipërisë, Edi Rama, duket se është mjaftuar vetëm me aq sa i ka dhënë pos marrëveshjes dypalëshe, Kryeministres italiane, Meloni në Gjadër.

Starmer, me sa duket është përsëri në këtë punë. Pra, tani, Sir Keir ka njoftuar plane për një skemë imigracioni në stilin e Ruandës, pasi hoqi dorë nga një ide mjaft e ngjashme e paraqitur nga partia Konservatore e Rishi Sunak. Rezulton se Kryeministri ka hapur bisedime zyrtare me një numër shtetesh ballkanike në lidhje me dërgimin e azilkërkuesve në qendrat e paraburgimit jashtë vendit, pavarësisht se e kritikoi skemën e partisë Konservatore të Ruandës si një "mashtrim". Flasim për një kthesë 180 gradë!