FATMIR MINGULI: Rreth librit “112 vjet arsim në krahinën e Ishmit”

NDRIÇIME AKTORËSH TË DRAMËS MADHORE TË DITURISË NË ISHËM

(Një vështrim mbi kapitullin e pestë të librit “112 vjet arsim në krahinën e Ishmit” )

Libri i tre autorëve tashmë të njohur të librit “112 vjet arsim në krahinën e Ishmit ) edhe në kapitullin e pestë është strukturuar me arsyetime llogjike dhe të përshkallëzuara në kohë dhe në hapësirë. Fillohet ky kapitull me pjesën ndoshta më të rëndësishme të gjithë librit atë të filozofisë për përgatitjen dhe sigurimin e kuadrit arsimor ndërjetësuar me reformat e kohës.

Kështu tre autorët  Agim Lika, Shezahir  Kërtusha, Laureta Kulla sjellin aktorët e parë të viteve 1950-1960 që kontribuan në Ishëm. Janë sjellë sipas ditëve kohore mënyrat e dhënies së diturisë nga ata mësues që kontribuan në shkollat e Ishmit në vitet 1945-2025. Këta mësues që janë fillimtarë sipas autorëve janë edhe “heronj të heshtur”. Aktorët drejtorë të shkollave të ndryshme kanë rolin e tyre në këtë dramë shumëvjeçare 1945-2025. Të gjithë mësuesit dhe ata nxënës që dolën nga bankat e skenave të dramës madhore janë pjesë në aktet prej 20 dhe 40 vjetësh duke mos harruar pa përmendur aktoret mësuese femra.

Gjatë këtij kapitulli tejet pragmatik vijnë nëpër faqet e tij aktorët nga më të shquarit edhe pse gradienti përshkallëzues është jo i madh. Janë aktorë të dalë nga vetë Ishmi apo origjina e tyre ishmake, janë aktorë që kanë grada shkencore e që jetojnë e punojnë jo vetëm  në Shqipëri.

Edhe pse numuri i tyre në këtë libër është “8” me kalimin e kohës ky numur vazhdon të rritet sepse jehona e akteve  të dramës të përvetësimit të diturive  bëhet   jo vetëm ata por nga qindra e qindra mësues e mësuese.

Cilët janë këta aktorë për të cilët flitet me kaq dashuri? 

1.Xhuljeta Kërtusha- inxhinere mekanike. Specialiste e studimeve shumëplanëshe në sistemin energjitik shqiptar ajo kontribuon me studime ekonomike dhe inxhinerike duke dhënë maksimumin e dijeve të saj.

2.Prof.Dr. Amarildo Myshketa –studjues në kërkimet e Inteligjencës artificiale duke kordinuar punën e tij mes Shqipërisë dhe Milanos në Itali

3.Prof. Asociuar. Dr. Erjola Tartari (Kërtusha) profesore e gjuhës angleze, e specilizuar në tema të ndërilkuara të gjuhësisë mes Shqipërisë, Francës  dhe Amerikës.

4.Prof. Asociuar. Dr. Ada Dervishi (Kërtusha) –pedagoge e ekonomisë në Universitetin e Tiranës për vite me radhë dhe që bashkëpunon me qendra studimore në Quibek të Kanadasë.

5.Prof. Asociuar. Dr. Engjëll Likmeta. I specializuar në fushën e jurispondencës ku spikatin artikujt studimorë në “Etikën profesionale dhe drejtesinë penale”. Ka botuar libra të rëndësishëm në specilitetin e tij.

6.Dr. Mirlinda Qemal Likmeta –farmaciste akademike e lidhur me shoqatat studimore përkatëse në shtetin gjerman.

7.Dr. Shkëlqim Sirika – I specilizuar në histori e gjeografi ku dallohet për mozaikun e larmishëm të studimeve të veta krejt të veçanta

8.Dr. Rexhep Paja- I ikur i vogël në emigrim ka r të jetë një eksponent  në shkencat politike dhe administratës publike. Ka kryer studimet e larta në Itali dhe është një nga aktivistët më të mëdhenj të lidhur me shqiptarët e Livornos.

Jo më kot e quajta plejadën e mësusve dhe drejtorëve të shkollave të tre krahinave të Ishmit si një dramë me aktorë të shquar të diturisë.

Janë me dhjetra aktorë të tjerë të shquar të ditëve tona që banojnë në Durrës apo në Tiranë që janë drejtorë shkollash, mësues  dhe pedagogë të cilët paraqiten në librin “112 vjet arsim në krahinën e Ishmit”   me CV interesante dhe plot të dhëna për jetën dhe punën e tyre.

Libri i tre autorëve Agim Lika, Shezahir  Kërtusha, Laureta Kulla     është një skenar i gjallë i kësaj drame kaq interesante që vjen në ditët tona e freskët dhe tejet e dobishme për brezin e ri shqiptar.

FATMIR MINGULI

Durrës 18 shtator 2025