E BUKURA


POEZI NGA MYSLIM MASKA

E BUKURA

Mikut tim të shtrenjtë të rinisë, Kozma Gjergjit.

E dimë. Të bukurat na çmendin

Pa to nuk bëjmë dot.

Sigurisht, pa të çmendur bota

Do të ecte në tym , kot.

Them kot , sepse njeriut,

Nëse i mungon çmenduria

Yjet s’do t’i dukeshin milingona

Dhe gërmat ebraishte – yllësira.

Edhe ti, që për ty fal jetën,

Do më ngjaje si një bajgë katoi.

Ti që më dhurove të vërtetën

Që askush s’mundi ta zbulojë…

Jo se the kushedi se çfarë,

Por the atë që s’e thanë të tjerë:

Nuk ka jetë të bukur pa TË MARRË,

Që të bukurat zgjojnë atje ku flenë…

.THONË…

Thonë dhe uji ngrin

E bëhet pistë vallzimi

kur me të lan këmbkat

Një vajzë bukuroshe…

JETA

Sado vezullues,

Një trëndafil mbi varr

Vjen aromë të vdekuri…

Sado e shëmtuar,

Një ferrë mbi një mal

Të çmend erë jete,

Vesë qielli e diellli…

88 views2 comments

Shkrimet e fundit