E arta si mesazh

E arta si mesazh

Gëzuar përvjetorin e Artë të Martesës!

Vetëm dy ditë më parë, një nga emrat më të kompletuar të tërësisë akademike të shkrimit, kërkimit, përkushtimit, dedikimit dhe realizimit të mendjes së bindur e në liri të plotë të dashurisë për familjen, shqiptarinë dhe Kombin, Eshref Ymeri, festoi familjarisht 50-vjetorin e martesës. Pikërisht më datën 15 korrik 2023, Havaja, ish-studentja e tij në vitet e largëta 1968-1972 dhe Prof. Dr. Eshref Ymeri ngritën gotat e ëngjëllizimit të dashurisë së tyre në Kaliforni. Këtë gëzim të madh familjar miqtë tanë dhe të shumë shqiptarëve e mjaft të huajve vendosën ta ndajnë heshtazi në aspektin më sublim të gëzimit me fluska të argjendta e të arta shampanje në ligjësinë e një feste të tillë të shumëkuptimshme.

Të përjetosh tetëmbëdhjetë mijë e dyqind e pesëdhjetë ditë të lumtura me Tjetrin, mjaft të rëndësishëm, është një moment historik i veçantë që nuk duhet marrë lehtë. E tashmë udha që ka nisur për më shumë se gjysmë shekulli të bashkuar në dashuri, dita që shënon martesën, ose lidhjen jetike dhe romantike është e denjë për jo thjesht për lavdërim, por dhe për një shembull e model jetik. E thënë thjesht, është një rast i rëndësishëm që vjen vetëm një herë në vit për të gjithë, por kur vjen kështu me një musht jetik gjysëmshekulli dashurie dhe fruti krenar të familjes, natyrisht që meriton të festohet, por dhe të përgjithësohet. Sigurisht, festimi i Prof Dr Eshref Ymerit dhe zonjës së tij Hava në prani të familjes dhe vajzës së tyre Kesi (Kesiana), që punon avokate në Kolumbus, kryeqytet i shtetit Ohajo, e mbush më së miri këtë festivitet mjaft të sinqertë e të bukur.

Në disa kultura, pesëdhjetë vjet martesë mund të njihen ndryshe si "përvjetori i artë i martesës", "përvjetori i artë", ose "martesa e artë" dhe natyrisht edhe në këtë pikë kjo e artë është më shumë se përkitëse, është një e artë që flet shumë, prandaj përvjetori i 50-të i martesës simbolizohet nga Ari, lidhet gjithashtu me dashurinë, dhembshurinë, guximin, pasionin, magjinë dhe mençurinë. Natyrshëm të gjitha këto i kemi ndjerë nga afër që në takimin tonë familjar për herë të parë në Vlorën historike, ku qëndruam bashkë për pushime dhe për një kohë relativisht të mirë. Aty pamë dhe ndjemë kopjen e mirësisë, dashurisë, respektit, dhe vlerave që përcjell një dashuri e tillë që rritet dhe nuk i njeh vitet. Pamë atë që simbolizonte në bukurinë e moshës, rrudhave, pjekurisë dhe ëmbëlsisë së gjërave që ndanin me të gjithë.

Ekskluzive 50 vjet martese

E ndërsa ishim në brigjet e Adriatikut, dy miqtë tanë të mirë, Havaja dhe Eshrefi, rrëfenin me të gjitha elementët dhe me heshtjen preambulike, që do të thoshte: Duajeni njëri-tjetrin, Le të jetë dashuria jo thjesht një det lëvizës midis brigjeve të shpirtrave tuaj, por një det i pastër sikurse do të dëshironit të zgjonit ditën në valët e Adriatikut. Ndaj, në botën e sotme moderne, arritja e momentit historik të 50 viteve të martesës është e rrallë dhe është një vepër që duhet festuar me një forcë që ka ardhur nga kohërat me të cilat është përballuar dhe me sprovat dhe mundimet e një gjysmë shekulli martesë, ato vite që ne i lexuam shekuj në ditët e qëndrimit dhe komunikimit tonë në Vlorë.

Është e lehtë të kuptohet pse një trëndafil i përjetshëm i zhytur në ar është një dhuratë kaq ideale për të shënuar përvjetorin e artë të martesës, por një ar i vërtetë është vetë mesazhi dhe veprat që Prof Dr Eshref Ymeri na ka dhënë e na jep në vazhdim, duke pasur simbol frymëzues dhe mbështetës dhe zonjën Hava dhe produktin, fëmijët, familjen e tyre model.

(Nga Luçiana dhe Fatmir Terziu)

www.fjalaelire.com