BUJAR QESJA: Cilësi në pikturat e nxënësve të " Mihal Ekonomit"

-Nga Ekspozita e pikturës e kësaj shkolle përuruar në galerinë "Nikolet Vasia"

- Të lumtë Edmonda Rotani! Ke udhëhequr një punë të mrekullueshme

BUJAR QESJA

Iu përgjigja ftesës që më erdhi nga miqtë e mi Elsa Ekonomi dhe Vasil Hila, për të qenë i pranishëm në hapjen e ekspozitës së pikturës nga nxënësit e shkollës " Mihal Ekonomi".

Të pranishëm mjeshtra të pikturës, qytetarë dhe turistë të huaj, nxënës dhe mësues, amatorë të artit dhe kulturës. Mrekulli dhe superlativa duhet thënë për punën cilësore dhe me shumë përkushtim, të nxënësve të shkollës së mesme jo publike " Mihal Ekonomi".

Që në krye të herës fokusi i vlerësimit vjen e ulet në punën e jashtëzakonshme që është kryer me nxënësit. Dhe kjo je ti Edmonda Rotani, që mrekullon me përpjekjet e tua. Mësuese e rrallë, nga kualitetet më të vyera të shkollës " Mihal Ekonomi", duke guxuar që nxënësit ti paraqesin punimet e tyre në galerinë e vetme të Durrësit. Mbështetje e pakursyer e drejtoreshës së shkollës, të mirnjohurës Enkelana Koça dhe e administratores skrupuloze Elsa Ekonomi Hila.

Piktori Besnik Biduli nuk e përmban gëzimin. Shprehet:

- Ka shumë cilësi ekspozita. Janë paraqitur punime me shumë art, ku piktorët e vegjël kanë shprehur talentin e tyre. Edhe në Shqipëri nuk e gjen këtë ekspozitë, aq e avancuar është.

Monda Rotani pikturon dhe vizaton që heri. Dhe këtë profesion ia ka kaluar edhe fëmijve të shkolluar. Sa durim, sa këmbëngulje, sa pasion ka transmetuar Edmonda dhe ia ka arritur.

Monda ushtron mrekullisht violinën dhe nxënësit e "Mihal Ekonomit" janë ndër të parët në konkurimet lokale. Kush ka Mondën, ka suksesin dhe arritjet. Mundohet shumë, me energji të pazbehura, duke punuar një me një me fëmijët, duke i bërë këngëtarë, piktorë, muzikantë, interpretues të vlerave të kulturës dhe artit.

"Mihal Ekonomi" shkollë elitë, e mësuesve elitë, duke pergatitur nxënës elitë. Ekspozitën po e ndiqja me skulptorin e njohur Qazim Kërtusha. Ne e dinim që nuk po shikonim Pikason, as ekspozitat në Luvër dhe Firence, por amatorët ambiciozë të fëmijve durrsakë të " Mihal Ekonomit". Ne po preknim artin e tyrë, vlerat e tyre, cilësitë e tyre duke e mbajtur të hapur dhe bindëse të ardhmen.

Në Durrës, aty ku mjeshtrat e pikturës lokale, kombëtare dhe jo vetëm paraqesin cilësi, u hap ekspozita e pikturës e nxënësve të "Mihal Ekonomit". Fola aty dhe trajtova ekspozitën si arritje e madhe që kalon përmasat e një shkolle. Thashë edhe këtë:

- Që edhe në varr ka lëvizur Mihal Ekonomi dhe Zoti e solli shpirtërisht pranë nesh, për të parë dhe prekur këtë befasi, këtë art të pergatitur nga piktorë të së nesërmes.

Dhe në qendër të kësaj pune, ajo dhe vetëm ajo, e vullnetëshmia, këmbëngulësia, e afta dhe punëtoria aktive Edmonda Rotani Çeçi.

Mbi 350 punime, të pergatitura me shije në të gjitha llojet e pikturës, flasin mbi atë punë të jashtëzakonshme që kryejnë nxënësit e shkollës " Mihal Ekonomi". Dhe në këtë ekspozitë po testonin publikisht se deri ku kanë shkuar.

Dhe jam i bindur se sfidën e kaluan me sukses. Më vjen mirë që lodhja dhe mundi u janë shpërblyer. Janë rradhë të merituara për to, duke qenë fort i sigurtë për ardhmërinë e tyre.

Të lumtë Edmonda Rotani! Ju lumtë nxënës për kënaqësinë që na dhatë! Stekën e ngritët lart dhe jam i sigurtë, që do ta kapërceni edhe më në ekspozitat e ardhshme!

Parë dhe thënë kështu, ekspozita e pikturës e nxënësve të "Mihal Ekonomit", u kthye në mburrje qytetare.

Më mirë nuk ka ku të shkojë.

Foto 1

Emri i njohur i muzikës, pikturës dhe arteve, mësuesja e shkollës së parë jo publike në Durrës Edmonda Rotani, me nxënëset e saj Amla, Ambër dhe Tea pjesmarrëse në ekspozitë.

Foto 2

Gazetari Bujar Qesja, duke përshëndetur hapjen e kësaj ekspozite pikture, ngjarje pikante në jetën kulturore dhe artistike në Durrës.

Foto 3

Edmonda Rotani, në krenarinë e ligjshme të punës së madhe të kryer me nxënësit, deri në kurorëzimin me sukses të plotë të hapjes së ekspozitës së pikturës të shkollës " Mihal Ekonomi".

Foto 4

Bujar Qesja, së bashku me skulptorin e njohur durrsak dhe jo vetëm Qazim Kërtusha, duke vizituar 350 punimet e ekspozitës.

Foto 5

Administratoria e shkollës, e bija e eruditit të famshëm të arsimit Mihal Ekonomi, mësuesja ekselencë e letërsisë Elsa Ekonomi, duke përshëndetur të pranishmit.