VALËT
Përplasen valët në bregun e brishtë,
me vete sjellin simfoni muzash,
vallëzojnë, valët me furi,
përplasen në breg, tërhiqen në thellësi.
Të tjera valë përplasen pambarim,
muza me simfoni të reja sjellin,
sekretet e mbretërisë tregojnë,
flasin për jetën, në detin ku jetojnë.
Sekrete në formë simfonish,
valët përcjellin pambarim,
kur mbreti zëmërohet,
dallgët përplasë në bregun e detit tim.
GJARPËR
Gjarpër emrin ti e ke,
je më i tmerrshmi mbi dhe,
kokën nën gur e fsheh,
bishtin lart për qejf e ngre.
Të gjithë frikën ty ta kanë,
ndaj dhe rrugën e ndërrojnë,
nga Shqiponja ty s’ta mban,
është “droni” që mbron.
SHOKU IM
43 vjet patën kaluar,
pa e parë shokun tim,
rastësisht të dy u takuam,
kujtuam vitet plot gëzim.
Shoku im quhet Vasil,
burrë i mirë zemërflori,
jeta rrjedh si një krua,
lum kush di dhe e pi...
