DY LIRIKA NGA MYSLIM MASKKA
TRËNDAFILI
Linda i lirë,
Pse më bëtë skllav?
Pse m’i fyet Nënën dhe Babanë?
Trëndafil do mbetem,
Edhe i vdekur
Edhe i gjallë.
Petale bardhë
Si në përrallë…
4 – 4 – 2022, Athinë.
TI MË THOSHE…
Më thoshe,
Kur puqen buzët
Shpërthen flaka që fle brënda:
Harbon shpirti,
Dridhet zëmra
E paparë as në ëndrra.
Dashuria
Thoshe ti,
Rron sa rron vesa mbi fletë
Sepse ndjenja,
S’do t’ia dijë
Në je skllav a në je mbret…
Kur merr flakë,
Nuk do të shuhet
Të digjet të bëhet hi…
Me një tjetër
Kur të puthet
Prapë rilind më thoshe ti…
