![](https://static.wixstatic.com/media/a48dbc_eb91ac13f87b47a59043444242ed1fe9~mv2.png/v1/fill/w_49,h_49,al_c,q_85,usm_0.66_1.00_0.01,blur_2,enc_auto/a48dbc_eb91ac13f87b47a59043444242ed1fe9~mv2.png)
Poezia e Fatmir Terziut: “me më shumë mall” Sintezë brilante e poezisë së tij ndër vite
Fatmir Terziu ka shkruar poezi, tregime dhe romane të bukura, paçka se në kohët e sotme në trojet shqiptare mungon kritika ketrare. Jemi qarë shumë prej saj , ne poetët e viteve 80, por ja që e kërkojmë sot këtë institucion të letërsisë shqipe. Ka mijëra poetë e të vetëquajtur poetë që kanë vërshyer në rrjetet sociale. Nuk kam asgjë me ta, por të shkruajnë pa gabime gjuhën e pastër dhe të bukur shqipe. Prof. Fatmir Terziu, lektor në universitetet e Londrës nuk e hedh shkronjën shqipe në letër pa e nxjerrë atë nga shpirti, pa e përpunuar e ripërpunuar në mendje. Poeti i vërtetë njihet edhe me një poezi sepse si ai nuk shkruan tjetëkush. I tillë është Fatmir Terziu. Ai shkruan me shpirt. Do të bëja një krahasim me këngëtaren e madhe Vaçe Zela, të cilën e adhuronim, por nuk e njihnim fizikisht, por e dallonim nga zëri. Do të ju ftoja të lexonit vetëm një poezi të Fatmir Terziut, atë me titull:”me më shumë mall” dhe fare mirë e ndjen futjen e poetit në botën shpirtërore njerëzore, komunikimin e tij me qiellin e me yjet, me Perëndinë. Poezia e tij është komunikimi i njeriut me shenjtin e tij.
Sakip Cami