top of page

Si nuk u tkurr ky Kuvendi i Shqipërisë?!


Prof.dr. Eshref Ymeri




Gjatë këtyre tetë vjetëve të fundit, popullsia e vendit tonë është pakësuar ndjeshëm nga largimi i disa qindra mijë njerëzve drejt vendeve të huaja, për t’i shpëtuar lakut të varfërisë. Kjo tkurrje e popullsisë a nuk duhej pasqyruar edhe në tkurrjen e Kuvendit, me shkurtimin e numrit të deputetëve?

Në një informacion të Institutit të Statistikave thuhet:

Në 1 Janar 2021 popullsia e Shqipërisë rezulton 2,83 milionë banorë dhe krahasuar me vitin 2011 është ulur me 2,7 %”.

Në këtë informacion nuk thuhet se këta 2,83 milionë banorë, në këtë datë, ishin të pranishëm fizikisht në Shqipëri, apo ishin të pranishëm vetëm në zyrat e gjendjes civile. Me siguri që ata duhet të kenë qenë të pranishëm vetëm në zyrat në fjalë, prandaj numri i popullsisë duhet të jetë pakësuar në mënyrë të ndjeshme. Atëherë lind pyetja: po si ka mundësi që numri i deputetëve vazhdon të mbetet i pandryshuar, duke e shtuar barrën e taksave mbi ata banorë që janë të pranishëm fizikisht brenda vendit?

Dy vjet e gjysmë më parë, Rama ishte i ftuar në programin televiziv TG2 të RaiDue në Itali. Analisti i njohur Alberto Negri i tha se nga vendi janë larguar 500 mijë njerëz, duke i theksuar posaçërisht:

“Nëse njerëzit emigrojnë, do të thotë se aty gjërat nuk janë mirë” (Citohet sipas: “Gazetari italian “gozhdon” Ramën: Ju jeni establishment, ish-ministri në trafik droge”. Faqja e internetit “Syri.net”. 28 shkurt 2019).

Po deri tani, dy vjet e gjysmë më pas, sa ka arritur numri i njerëzve që kanë braktisur vendin? Kanë qarkulluar të dhëna se ai numër ka arritur deri në 600 mijë. Në një lajm që u transmetua ca muaj më parë, thuhej:

“Më shumë vdekje se lindje. Shqipëria po zvogëlohet dhe po plaket, duhet ndërhyrja urgjente” (Kanali televiziv “Top Channel”. 14 maj 2021).

Siç bëhet e ditur në faqet e internetit, Izraeli, sipas të dhënave të këtij viti, ka një popullsi prej më shumë se 9 milionë banorë (9 395 260) dhe parlamenti i tij (Knesseti) përbëhet prej 120 deputetësh, kurse Republika e Shqipërisë, me 2, 83 milionë banorë, që figurojnë vetëm në letrat e gjendjes civile, ka 140 deputetë!

Klasa politike e Tiranës s’e ka vrarë kurrë mendjen për shkurtimin e numrit të deputetëve, jo pak prej të cilëve janë thjesht parazitë në Kuvend. Kurse inteligjencia shqiptare dhe shoqëria civile janë thjesht mumje mbi tokë.

Dje, më 02 shtator, Rama e njohu opinionin publik me përbërjen e kabinetit të ri qeveritar. Duket e pabesueshme, por është realitet: 15 ministri me 15 ministra në krye, në një vend me aq banorë sa u përmendën më lart. I duhen Ramës kaq shumë ministra, për ta ndier veten sa më autoritar në krye të tyre. Një dukuri paradoksale po ndodh në Shqipëri nën pushtetin e Ramës: sa më shumë e shpopullon vendin, sa më shumë ua shtrëngon njerëzve të thjeshtë lakun e varfërisë, aq më shumë atij i ndizen epshet për pushtet, epshe këto që janë mjaft karakteristike për një njeri me komplekse të theksuara inferioriteti.

Duke pasur parasysh një njeri me një formim të tillë psikologjik, shkrimtari dhe përkthyesi japonez Haruki Murakami (1949) thotë:

“Psikikën e tij e mban përherë të goxhduar gjendja mes kompleksit të inferioritetit dhe vetëdijes për superioritet personal”.

Las Vegas, Nevada

03 shtator 2021


28 views2 comments

2 kommentarer


Eshref Ymeri
Eshref Ymeri
03 sep. 2021

I dashur Sami,

Ju falënderoj nga zemra për mbështetjen tuaj intelektuale dhe ju jam shumë mirënjohës për frymëzimin tuaj. Ju keni shumë të drejtë, Rama po ecën në gjurmët e kryekriminelit Enver Hoxha, të cilin, patericat e armikut tradicional të kombit shqiptar, serbosllavizmit gjakatar, e ngritën nga pozicioni i askushit para Konferencës së Labinotit të vitit 1943, në pozicionin e dikushit. Edhe Fatos Nano, servili i serbosllavizmit, na e ngriti Ramën nga gjendja e askushit që flinte nëpër metrotë e Parisit dhe merrej me trafikim ikonash, në gjendjen e dikushit ku ndodhet sot. Prandaj ai po punon me ngulm për vënien në jetë të strategjisë së përhershme të grekosllavizmit - shpopullimin e Shqipërisë, me synimin afatgjatë për shpërbërjen tërësore …

Gilla

Okänd medlem
03 sep. 2021

Prof. Dr. Eshref

Jam plotesisht dakord me shkrimin tënd dhe shkrime te kesaj natyre te shkruash vazhdimisht por Rama nje palaco burre gjen mbeshtetjen nga qeveria Amerikane prandaj hiqet si kakaperri i Shqiptareve qe Te rinjte dhe elita e saj largohet nga vendi dhe atje kane mbetur vetem komunistët e tij qe e votojne cdo dite ndersa ai Po ben me popullin Kosovar ate qe beri diktatori Enver Hoxha me dekAda te tera. Rama eshte komunist dhe eshte nje zero qe gjoja punon për demokraci. Komunistët Nuk e duan Sali Berishen ne parlement se sic thotë populli ai ua heq “lakrat” qe ata kane


Sami Hidri


IOWA. USA

Gilla

Shkrimet e fundit

fjalaelireloadinggif.gif
bottom of page