Rini e përjetshme
(Gëzuar ditëlindjen miku im Fitim Haxhiraj!)
Fatmir Terziu
Ende të shoh mbrëmjeve
buzë Longomares
teksa bën ecjen e përditshme.
Në ecje të “karantinuar”
zgjon kujtimet e kohës së racionuar.
Në zgrip të ditës
Ti dhe Deti udhëtoni memorjeve thellë:
Ai me legjendat e kripura,
Ti me këngët në buzë të Kaninës,
e bashkë gjerbni kafenë,
mbi librat e Vivrës…
… në prag të kësaj dite gotat zgjojnë vitet
me ritmet koreografike.
Londër: 06 maj 2020
