top of page

Qeveri shumice


Astrit Lulushi

Qeveri shumice

Astrit Lulushi


Është kohë që ka qënë, nëse do të jetë, nuk dihet. Udhëtimi në të ardhmen vazhdon të ndodhë vetëm në libra e në mendje. Koha ka vetëm dy mosha, të shkuarën dhe të tashmen, mosha e tretë nuk ekziston, por është shpikur si mënyrë për të vjedhur ëndrrat e parashikimet, për t’u dhënë skllevërve shpresë. E çuditëshme sesi koha zhvillohet. Ajo lind e moshuar, rinohet dhe vdes foshnje ose palindur, në kah të kundërt me moshën e njeriut, i cili lind, rinohet, shuhet. Koha dhe njeriu janë në luftë, ose më saktë, është njeriu skllav i kohës, e cila e ndjek atë për t’a kapur dhe njeriu gjithmonë është në mbrojtje a zmrapsje. Të dy kurrë nuk janë në pajtim, megjithatë, të dy marrin e japin, ia kanë nevojën njeri-tjetrit. Por koha është hileqare, djallëzore. Fillimish, njerëzit qeveriseshin nga një pakicë, derisa filluan të zgjoheshin e të bëheshin realistë për të parë me habi se kjo ndarje ishte e padrejtë, ata gjithmonë ishin poshtë, të shtypur dhe u përgatitën të ngrihen. Elita e kuptoi se diçka duhej të bënte, kontrollit të saj mbi shumicën po i hiqej perdja, dhe u hodh në sulm me të njëjtën armë. Ajo shpiku ‘shumicën’ e vet. Agjentë u përhapën nëpër popull dhe pasi e studiuan a manipuluan, u kthyen në bazë me një propozim: për të ruajtur vazhdimësinë e qeverisjes, elita duhej të pranonte që popullit t’i jepet emri i pushtetit, ndërsa ajo t’a mbante atë. Dhe kështu lindën administratat a qeveritë ‘e shumicēs’, të cilat, sipas kohës, reformohen në emër, në popullore, socialiste a demokratike, fjalë me bazë të njëjtë, që gënjejnë e mashtrojnë, shkatërrojnë e vrasin popullin në emër të popullit me vendim të atij vetë.

10 views0 comments

Коментари


Shkrimet e fundit

fjalaelireloadinggif.gif
bottom of page