![](https://static.wixstatic.com/media/a48dbc_656eff07f18041baaa103fe4c2bf8f7f~mv2.png/v1/fill/w_49,h_61,al_c,q_85,usm_0.66_1.00_0.01,blur_2,enc_auto/a48dbc_656eff07f18041baaa103fe4c2bf8f7f~mv2.png)
Në male bora humbi mes rrëfenjash,
Më shkronja gjurmësh syri s’sheh tani,
Sepse i bënë petale luleshqerrat ,
Kur shkrepi syri yt në arrati.
Si vogëlush lodron hapësirës dielli,
Vështron sytë e blerimit me habi
Dhe i përhumbur nis një avaz fyelli,
Që na përzien tok një mijë ndjesi.
Gështenja e egër prapë e çeli veten
Si një rrëfenjë të re, me buzë e sy,
Premtim se do të jetë gjithnjë e gjelbër,
Si një bekim për mua dhe për ty.