DY POEZI NGA MYSLIM MASKA
MË THONË…
Mos më flisni,
Mos më prekni:
jam sëmurë, shumë sëmurë.
Më thonë engjëjt
Dhe Profeti:
ishe, je, ç’do më shumë?!...
Dua që,
Ai bebushi
Kur ta thithi këtë jetë
Te mos qaj,
Më shumë të qeshi
Dhe unë t’i falem si POET… 21 – 4 -2o22, Athinë.
POR DHE MBRËMJA…
Unë të desha
Si dy sytë e ballit,
Më betoheshe ti për Perëndinë
Por nuk paska fund
Mallkim i djallit,
Varr na e bëri dashurinë.
Kam merak,
Si shkon me atë tjetrin
(Nëse rron, je gjallë në këtë botë!)
Janë të bukur
yjet e mëngjesit
Por dhe mbrëmja ka yje magjiplotë…
