![](https://static.wixstatic.com/media/a48dbc_941d38f07ed444dbb0c55b6a5cc5aed4~mv2.jpg/v1/fill/w_59,h_55,al_c,q_80,usm_0.66_1.00_0.01,blur_2,enc_auto/a48dbc_941d38f07ed444dbb0c55b6a5cc5aed4~mv2.jpg)
Të rrëgjuarit pleq shullehen në diell,
mbushen stolat me kokëzbardhur,
psherëtijnë e përloten,
me rënkim ngrihen,
cukër-cukër ikin nga kanë ardhur.
Njohin fytyrat e njëri - tjetrit,
ç'ë se emrat s'u vijnë ndër mend,
por pleqtë, zogjtë e peshqit,
shtegtojnë larg,
e takohen në tjetër vend...
Cukër-cukër çapiten me bastunë,
në heshtje e gjejnë fytyrën që mungon,
aspak çuditen,
pleqëria është paragjumë
dhe zilen e zgjimit ndodh që s'e dëgjon....